Flash News

Përplasen dy makina në aksin e vjetër Fier–Vlorë, një i plagosur

Digjet një banesë në qendër të Durrësit, ndërhyjnë zjarrfikësit

Moti ekstrem kërcënon çerekfinalen, FIFA mund të ndryshojë orarin e Angli–Norvegji

Alarm në Serbi, 11 mijë derra drejt asgjësimit pas shpërthimit të ethes afrikane

Zjarri del jashtë kontrollit në Lushnjë, një i plagosur dhe një i arrestuar

E-TJERA

Shkëputja e Ballkanit nga gazi rus mbetet ende një sfidë, Shqipëria s’ka infrastrukturë për të importuar

Politiko 2 April 2023, 15:56

Shkëputja e Ballkanit nga gazi rus mbetet ende një sfidë,

Një raport i ri nga Global Energy Monitor dhe Bankwatch Network thotë se vendet e Ballkanit Perëndimor do të përballen me vështirësi në planet e tyre për tranzicionin e energjisë.

Raporti theksoi se planet e reja energjetike të mbështetura nga BE dhe SHBA për t'i bërë vendet e Ballkanit Perëndimor të pavarura nga gazi rus do të jenë të kushtueshme, pasi disa vende aktualisht nuk importojnë gaz ose nuk kanë infrastrukturë për ta bërë këtë, gjë që do ta bëjë më të vështirë, që ata të kalojnë tranzit drejt energjisë së gjelbër, pavarësisht potencialit natyror që kanë vendet, raporton Balkan Insight.

Sipas raportit, planet për 3.5 miliardë euro termocentrale të reja me gaz, tubacione gazi dhe terminale të gazit natyror të lëngshëm LNG në Ballkanin Perëndimor, të promovuara nga institucionet e Bashkimit Evropian dhe të SHBA-së, do t'i detyronin vendet të importonin shumë më tepër gaz se sa kanë bërë në të kaluarën dhe kanë vonuar zhvendosjen e rajonit drejt prodhimit vendas të energjisë së pastër.

“Në vitin 2021, Ballkani Perëndimor konsumoi vetëm 3.7 miliardë metra kub (bcm) gaz, ose 4 për qind e asaj që Gjermania përdori po atë vit. Gjysma e këtyre vendeve nuk importojnë gaz nga tregjet ndërkombëtare”, theksohet në raport.

Ai shpjegoi se duke ndërtuar sisteme të reja të kushtueshme gazi, në disa raste nga themeli, këto ekonomi mund të paraqesin rreziqe të reja ekonomike dhe të sigurisë energjetike në një tranzicion tashmë sfidues të energjisë.

Arsyeja e ndërtimit të tubacioneve dhe terminaleve të reja është zëvendësimi i importeve të gazit rus.

“Sidoqoftë, shumica e vendeve në Ballkanin Perëndimor, ndryshe nga ato në BE, nuk mbështeten shumë te gazi ose përballen me të njëjtën urgjencë për të zëvendësuar furnizimet ekzistuese të gazit”, theksoi raporti.

Në disa vende të Ballkanit Perëndimor, gazi nuk është mënyra kryesore për të marrë energjinë dhe në disa vende të tjera nuk ka infrastrukturë për ta importuar atë.

“Gjashtë vendet e Ballkanit Perëndimor – Shqipëria, Bosnja dhe Hercegovina (BiH), Kosova, Mali i Zi, Maqedonia e Veriut dhe Serbia – prodhojnë energji elektrike kryesisht nga qymyri dhe hidrocentralet. Bosnja dhe Hercegovina, Maqedonia e Veriut dhe Serbia përdorin gazin kryesisht për ngrohje qendrore dhe disa industri, dhe dy të fundit gjithashtu e përdorin atë për energji elektrike”, theksohet në raport. “Shqipëria, Kosova dhe Mali i Zi nuk përdorin fare gaz; ata nuk kanë infrastrukturë për të importuar gaz nga tregjet ndërkombëtare dhe nuk kanë rrjete funksionale të shpërndarjes”.

Njoftimi për shtyp nga Global Energy Monitor dhe Bankwatch të enjten theksoi se nisma do ta bënte më të vështirë për rajonin kalimin në energjinë e gjelbër dhe mund të vonojë pranimin e tyre në BE.

“Për një rajon me potencial të konsiderueshëm të energjisë diellore dhe të erës, planet për infrastrukturën e re të gazit do të sjellin gjithashtu pengesa të reja në përpjekjet për anëtarësim në BE, pasi masa bie ndesh me dispozitat e Traktatit të Komunitetit të Energjisë që synojnë ndër të tjera të harmonizojnë përpjekjet për energjinë e gjelbër. të rajonit me atë të BE-së”, thuhet më tej.

Të fundit