Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shqiptarët kryesojnë aplikimet për azil, Meta rendit mënyrat e parandalimit: Problem kombëtar alarmues

Politiko 25 Mars 2022, 10:56

Shqiptarët kryesojnë aplikimet për azil, Meta rendit mënyrat

Presidenti Ilir Meta ka reaguar mbi gjetjet e një raporti, që i rendit shqiptarët si azilkërkuesit më të mëdhej në Europë.

Meta ngre shqetësimin se shpopullimi i vendit nuk po ndalet. Ai thotë se largimi i të rinjve dhe i të kualifikuarve është një problem kombëtar alarmues, ndërsa thekson nevojën e bashkimit për të frenuar këtë fenomen.

Kreu i Shtetit shkruan në rrjetet sociale se shpopullimi duhet ndaluar, duke përmirësuar standardet e qeverisjes, të llogaridhënies demokratike dhe rritur përfaqësimin e të rinjve në vendimmarrje.

“Shpopullimi i Shqipërisë nuk po ndalet. Vitin e kaluar, sipas "European Union Agency for Asylum", 11,246 shqiptarë kërkuan azil në një nga vendet e Bashkimit Europian, duke na renditur sërish të parët për numrin e aplikimeve.

Largimi i të rinjve, si dhe i fuqisë intelektuale dhe punëtore më të kualifikuar, në mungesë të shpresës dhe perspektivës, është një problem kombëtar alarmues, që duhet të na bashkojë të gjithëve, duke e adresuar me përgjegjshmëri, me atdhetari dhe me profesionalizëm.

Të ndalim shpopullimin duke përmirësuar standardet e qeverisjes, të llogaridhënies demokratike dhe rritur përfaqësimin e të rinjve në vendimmarrje! Të bashkojmë energjitë për të rikthyer shpresën dhe për t’i dhënë Shqipërisë drejtimin dhe perspektivën e merituar europiane, që të gjithë e dëshirojmë!”-shkruan Meta.

Të fundit