Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Studentët mbledhin 10 mijë firma për kthimin në auditore, ministria hesht

Politiko 2 Shkurt 2021, 17:27

Studentët mbledhin 10 mijë firma për kthimin në auditore,

Studentët kanë firmosur një peticion me 10 mijë firma për rikthimin e tyre në auditorët e Universiteteve, ndërsa Komiteti Teknik i Ekspertëve ka vendosur sërish që mësimi të zhvillohet online me arsyetimin e frenimit të përhapjes së infeksionit të Covid-19.

Përmes këtij peticioni, të rinjtë kërkojnë rihapjen e auditoreve jo vetëm për provimet, por edhe për seminaret, praktikat dhe punët e laboratorit.

“Ju bëjmë të ditur gjithashtu se kërkesat tona për hapjen e auditoreve  lidhen me zhvillimin e seminareve, praktikave dhe punët e laboratorit duke përjashtuar zhvillimet e leksioneve. Kërkojmë që zhvillimi i provimeve të përfshihet si pjesë e kërkesës së studentëve për hapjen e auditoreve  dhe marrjen drejtpërdrejtë të studentëve në provime.

Kundërshtojmë zhvillimin e provimeve online për shkak të pamundësisë dhe pabarazisë në sigurimin e kushteve për zhvillimin e tyre për pasojë edhe parabazinë para ligjit dhe shkeljet e detyrimit kushtetues. Opinionet e pedagogëve dhe administratës së universiteteve nuk përfaqësojnë vullnetin e studentëve dhe jo detyrimisht mbrojnë interesin e tyre”, shkruajnë studentët në peticion.

Ndërkohë, autoritetet nuk kanë dalë ende me një vendim në lidhje me kërkesën e studentëve, teksa këta të fundit vijojnë me mbledhjen e firmave.

Një ditë më parë, nga Rinasi, kryeministri Edi Rama theksoi se për momentin nuk është zgjidhje mësimi në auditore, sepse janë burim covidi.

“Edhet studentët i mirëkuptojmë, prandaj po rishikohet situata e provimeve që s’mund të bëhet online. Nëse do flasim për shtrëngim masash këtë e bën Komiteti. Shpresoj mos të vijë fare momenti për të diskutuar mbylljen. Për momentin nuk ka vaksina për stafin e pedagogëve. Studentët nuk mund të bëjnë mësim në auditore sepse janë burim Covidi”, tha Rama.

Të fundit