Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Studimi i ASH: Në Tiranë 50% e popullsisë me imunitet, antitrupat zgjasin deri në 2 vjet

Politiko 30 Dhjetor 2020, 11:32
Studimi i ASH: Në Tiranë 50% e popullsisë me imunitet, antitrupat
Foto Ilustruese

Akademia e Shkencave prezantoi sot rezultatet mbi fazën e dytë të studimit sero-epidemiologjik për gjendjen e imunitetit të popullsisë nga  Covid-19, sipas të dhënave prej depistimit.

Studimi i përket periudhës nga qershori deri në muajin dhjetor.

Rezultatet u paraqitën nga akademiku Genc Sulçebe dhe prof. Alban Ylli, të cilët deklaruan se popullsia e Tiranës ka fituar 50% imunitet, ndërkohë që në pjesën tjetër të Shqipërisë imuniteti është 25%.

Tirana është qyteti më i prekur nga koronavirusi ku është regjistruar dhe numri më i lartë i të infektuarve.

Sipas tyre, imuniteti tregohet referuar antitrupave të krijuara nga qytetarët, shumica asimptomatikë.

Genc Sulçebe: Studimin e realizuam në tre faza për të parë si ishte gjendja pas lock-doën. Bëmë sondazh tek 124 individë dhe rezultoi se vetëm 1 ishte pozitiv. Kontakti i virusit me popullatën ishte minimal. Pra na nxiti që të shohim gjendjen e shtrirjes në një popullatë më të gjerë. U përzgjodhën popullatat e disa qendrave shëndetësore, me rreth 200 mijë banorë. Dolën pozitivë 48.5%. Ky është konkluzioni që nxjerrim sot. Pra kemi qënë në kontakt me virusin dhe janë të imunizuar dhe shpresojmë që ky imunitet të jetë afatgjatë. Kjo popullësi përfaqëson atë të Tiranës. Gjysma e popullatës së Tiranës e kanë kaluar pandeminë dhe janë imunizuar në mënyrë natyrale.

Alban Ylli: Duhet të merret me rezerva përkatëse dhe të jemi të kujdesshëm ndaj virusit. S’ka arsye për të festuar. Duhet ta pranojmë që këto të dhëna janë paraprake. Po punojmë ende me të dhënat por janë të mjaftueshme për të na bërë të kuptojmë që kemi një pozitivitet të ngjashme. Kjo pandemi sillet në mënyrë të çuditshme. Ka një harmoni të qarkullimit të virusit në të gjitha lagjet e Tiranës. Do të shohim ç’ndodh me grupmoshat.

Genc Sulçebe: Kemi 10 muaj që kemi nisur. Ata individë që janë imunizuar, kanë imunitete të fuqishëm që zgjat të paktën 2 vjet por mund edhe me tepër. Sa i përket bërjes së vaksinës, nuk i përjashtojmë ata që e kanë kaluar infeksionin, rekomandohet mos ta bëjnë ata që kanë infeksion akut. Unë do të shtoja, ata që e kanë kaluar infeksionin të lihen për t’u vaksinuar në fund fare. Të vaksinohen të tjerët që janë më të brishtë.

Studimi i ASH: Në Tiranë 50% e popullsisë me imunitet, antitrupat

Të fundit