"Viktimat e Covid-19" - histori të dhimbshme që nuk ia dolën dot

Covid-19, armiku i tmerrshëm i këtij viti që ka shkaktuar viktima në të gjithë globin, ka marrë dhe jetën e shumë personazheve të njohur për publikun: artistë, muzikantë, politikanë e mjekë. Përveçse viktima të virusit vdekjeprurës, nuk arritën dot as të nderohen siç e do zakoni dhe e meritonin.

Humbja e këtyre jetëve dhe mungesa e ceremonisë, do të ngelet peng për jetë, në një kohë jonormale.

Në këtë shkrim, do përmendim - edhe në një formë nderimi - disa prej viktimave të Covid-19, që nuk kaluan pa zhurmë.

Koço Devole

Aktori i njohur i humorit, Koço Devole, ka humbur jetën nga COVID-19 në moshën 75-vjeçare. Devole pasi kishte qëndruar për disa ditë në spital, kishte ikur në shtëpi dhe më pas ishte rikthyer pasi ishte përkeqësuar. Pas përkeqësimit ai qëndroi në intubim për rreth 8 ditë në spitalin Infektiv, ku edhe ndërroi jetë. Mësohet se Koço Devole ka vuajtur më herët edhe nga leucemia, e cila ka sjellë ndikim tek gjendja e tij shëndetësore.

25 mjekë humbën jetën teksa ishin në vijën e parë të luftës me Covid-19

Bilancit me mbi 1000 viktima që nga shpërthimi i pandemisë në vendin tonë përmban edhe një listë të bluzave të bardha që nuk e fituan dot betejën me virusin. Në këtë përballje kanë humbur jetën mjeke që janë infektuar në vendin e punës por edhe disa qe ishin në pension.

Arian Pushi, mjek hematolog

Hysni Shkaju, mjek familje

Anibal Byberi, pneumolog dhe drejtor i Spitalit të Tropojës

Vilson Topulli, epidemiolog

Zyliha Kraja, kirurge

Memo Boçi, epidemiolog

Agron Menzelxhiu, kirurg

Sefer Dervishi

Esat Pashaj

Astrit Haziri, mjek i përgjithshëm dhe mjek familje

Ilirjan Ndraçi, mjek gastro-hepatolog

Shaqir Shehu, kirurg ortoped

Ibrahim Kaziu, pneumolog

Bledi Nini, mjek ORL

Elmaz Eltari

Drini Dobi, mjek neurolog

Muharrem Xhepexhiu

Hidajet Deda

Eduart Dhamo

Myftar Zemani

Ferdinant Shkrepa

Leonard Kamberi

Raimonda Lengu

Flututa Hashorva

Mihal Kërçi

Drejtori i Pallatit të Kulturës” Sadi Halili” Librazhd, Arianit Alliu

Artisti nga Librazhdi, Arianit Alliu ishte një nga figurat më të njohura dhe të dashura për të gjithë  Librazhdin dhe më gjerë. Arianit Alliu humbu jetën në moshën 46-vjeçare, pasi ishte prekur nga koronavirusi.