Flash News

Paraqitet në SPAK Sali Berisha

Arrestohet në Vaun e Dejës një 28-vjeçar i kërkuar nga Spanja për trafik droge

Bardhi reagon pas shoqërimit të kandidatit të PD: Nuk intimidohemi nga bandat dhe shkelja brutale e ligjit

Policia shoqëron kandidatin e PD në Fier, Bardhi dhe Baçi shkojnë në komisariat

Gjendet i vdekur një 37-vjeçar në Portin e Shëngjinit

E-TJERA

TikTok ‘fiket’ nesër/ Zbardhet shkresa e AKEP drejtuar kompanive të internetit: Bllokoni aksesin

Politiko 12 Mars 2025, 12:15

TikTok ‘fiket’ nesër/ Zbardhet shkresa e AKEP drejtuar

Prej ditës së nesërme, aplikacioni TikTok nuk do të funksionojë më në Shqipëri. Ky ishte vendimi që qeveria shqiptare mori me argumentin për të mbrojtur fëmijët nga dëmet që u sjell TikTok.

Në kuadër të vendimit, AKEP u është drejtuar të gjitha kompanive të internetit të mbyllin sinjalin e llogarive të TikTok.

SHKRESA:

Autoriteti Kombëtar për Sigurinë Kibernetike (AKSK) me shkresën nr. 1196 prot., datë 10.03.2025 (administruar në AKEP me nr. 359/2 prot., datë 10.03.2025), ka kërkuar marrjen e masave të nevojshme për bllokimin e aksesit në aplikacionin TIK TOK dhe infrastrukturën e tij digjitale në territorin shqiptar, duke ndërmarrë veprimet e mëposhtme:

1. Bllokimi i IP-ve të Tik Tok në territorin e Shqipërisë.

2. Bllokimi i DNS-ve te TikTok në territorin e Shqipërisë,

3. Bllokimi i SNI (Server Name Indications) të Tik Tok në territorin e Shqipërisë.

4. Bllokimi i IP-ve të kompanisë ByteDance në territorin e Shqipërisë.

Në shkresën e AKSK-së citohet baza ligjore (Vendimi i Këshillit të Ministrave nr. 151 datë 6.3.2025) dhe listën e të gjitha IP-ve dhe domaineve, për të cilat kërkohet bllokimi i aksesit.

Bazuar në germën ç), të pikës 2 të nenit 30 të ligjit nr. 54/2024 "Për komunikimet elektronike në Republikën e Shqipërisë dhe germës e), pika 1, të nenit 9, si dhe pikës 9 të Aneksit E, të Rregullores së AKEP nr. 47 datë 26.10.2017 "Për zbatimin e regjimit të Autorizimit të Përgjithshëm", çdo operator/sipërmarrës që ofron shërbime/rrjete të komunikimeve elektronike sipas regjimit të autorizimit të përgjithshëm, duhet të respektojë kufizimet e transmetimeve të përcaktuara me përmbajtje të paligjshme ose të dëmshme nga AKSK.

Për sa më lart, ju përcjellim shkresën e AKSK-së dhe kërkojmë nga secili sipërmarrës (ISP), konfirmim me shkrim në AKEP dhe për dijeni AKSK, për mbylljen e aksesir IP-ve dhe donjaineve të cituara në shkresën e AKSK, brenda datës 13 mars 2025.

Dokumenta bashkëngjitur

Të fundit