Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Trafik droge dhe armësh, burg për dy anëtarët e grupit ‘Habilaj’ në Itali

Politiko 3 Qershor 2022, 13:33

Trafik droge dhe armësh, burg për dy anëtarët e grupit

Gjykata e Apelit të Katanias në Itali ka ekzekutuar masën e arrestit me burg për 5 anëtarët e një organizate italo-shqiptare të përfshirë në trafikun ndërkombëtar të drogës dhe armëve.

Mediet italiane raportojnë se është dënuar me 6 vite e 8 muaj burg Nezar Seiti dhe 6 vite burg Maridian Sulaj, të dy pjesë e grupit të Habilajve. Bashkë me Angelo Busaça, Antonio Riela dhe Vincenzo Spampinato, Sulaj dhe Seiti u dënuan për konspiracion me qëllim të trafikut ndërkombëtar të drogës dhe mbajtjes pa leje të armëve.

Organizata kishte arritur të transportonte në Itali mbi 3500 kg marijuanë, pjesërisht të sekuestruar në disa raste, nga bregdeti shqiptar. Grupi kriminal kishte marrë kontrollin e importit nga Shqipëria të sasive të mëdha të marijuanës, të cilat më pas përdoreshin për furnizimin e qendrave tregtare si në Katania dhe në provincat e Raguzës dhe Sirakuzës, duke arritur një xhiro të vlerësuar mbi 20 milionë euro.

Më 19 tetor 2017 Nazer Seiti, financier i bandës së Habilajve, u arrestua gjatë aksionit të policisë në Babicë të Vlorës, ku u kapën 4,5 tonë kanabis. Por, megjithëse nën hetim nga Prokuroria e Krimeve të Rënda dhe nën masën e sigurisë “arrest me burg” në Shqipëri, Nezar Seiti u ekstradua në Itali më 25 janar 2018, në shkelje të ligjit.

Meridian Sulaj u arrestua në tetor të vitit 2017 bashkë me Moisi Habilajn në Itali.

Të fundit