Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

U arrestua me drogë në Turqi, përjashtohet nga radhët e Policisë së Shtetit efektivi i Rrugores

Politiko 16 Tetor 2022, 12:55

U arrestua me drogë në Turqi, përjashtohet nga radhët e

Policia e Shtetit ka dalë me njoftim zyrtar lidhur me arrestimin e efektivit të Policisë Rrugore Florenc Bicerri në Turqi. Bicerri u arrestua pasi u kap duke trafikuar drogë bashkë me dy të tjerë.

Në njoftimin e policisë, thuhet se është ngritur një grup hetimor për të hetuar rastin, ndërsa është lëshuar urdhri nga Drejtori i Përgjithshëm i Policisë së Shtetit, për përjashtimin e Bicerrit nga radhët e policisë.

NJOFTIMI

Në lidhje me një rast të trafikimit të lëndëve narkotike, të goditur nga autoritetet turke ju sqarojmë se:

Policia e Shtetit, në bashkëpunim me homologët turq, në lidhje me një rast trafikimi të lëndëve narkotike, në të cilin janë të përfshirë 3 shtetas shqiptarë, njëri prej tyre punonjës policie, ka ngritur një grup të dedikuar hetimor, për hetimin e rastit.

Sqarojmë se punonjësi i Komisariatit të Policisë Rrugore Tiranë, shtetasi Florenc Bicerri, tashmë i arrestuar në Turqi, ka dalë nga Shqipëria, nëpërmjet Rinasit, më datë 05.10.2022.

Për këtë punonjës policie, Drejtori i Përgjithshëm i Policisë së Shtetit ka urdhëruar përjashtimin e menjëhershëm dhe përgjithmonë, nga Policia e Shtetit.

Ndërkohë, grupi i dedikuar hetimor, në bashkëpunim me Agjencinë e Mbikëqyrjes Policore dhe me homologët turq, po vijon punën për zbardhjen e rrethaneve të rastit, evidentimin dhe kapjen e personave të tjerë të implikuar në këtë rast të trafikimit të lëndëve narkotike.

Të fundit