Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

U vra teksa mbronte shokun, flet vëllai i 23-vjeçarit shqiptar: E pashë të vdiste para meje, dua drejtësi

Politiko 29 Gusht 2023, 09:51

U vra teksa mbronte shokun, flet vëllai i 23-vjeçarit shqiptar: E

Klajdi Bitri është 23-vjeçari i cili mbeti i vrarë një pasditen e së dielës, pasi ndërhyri për të mbrojtur shokun e tij që u përfshi në sherr me një shtetas algjerian. Ky i fundit qëlloi për vdekje me fuzhnje Bitrin.

Vëllai i viktimës, Xhuliano Bitri, 18 vjeç, ka folur për mediat italiane “Ansa” duke rrëfyes se si ndodhi ngjarja që i mori jetën vëllait të tij.

“Ishim në dy makina. Unë isha me vëllain tim dhe një person tjetër, ndërsa në tjetrin ishte një miku ynë italian me gruan dhe dy fëmijët e tij të vegjël. Së bashku, duhej të shkonim në det në Sirolo. Ishim pak mbrapa dhe, kur mbërritëm, pamë Danilon ( mikun italian ) duke u rrahur nga algjeriani në mes të rrugës.

Vëllai im kishte shumë respekt për Danilon, sepse falë faktit që ai e mori për të punuar tek ai në kuzhinën e restorantit të tij, ai mundi të fillonte të linte mënjanë para për të më lejuar të vija. Italia më dha mundësinë të filloj një jetë të re. Prindërit tanë janë ende në Shqipëri. Ata nuk do të mund të vijnë as në Itali për të parë djalin e tyre. Tani, jam unë që ndihem i detyruar të zgjidh të gjitha dokumentet e nevojshme për ta dërguar atë në shtëpi”, tregon Xhuliano.

Xhuliano rrëfen se kur ka parë sherrin, 23 vjeçari ka zbritur për t’i ndarë. Ai thotë se Klajdi i ka kërkuar disa herë algjerianit që të ndalojë, por ai ka shkuar për të marrë shtizën tek makina, me të cilën qëlloi në gjoks Klajdin.

“Dukej i qetë, dukej se gjithçka ishte zgjidhur. Më pas, në vend të kësaj hapi derën e pasme të makinës ku po qëndronte e fejuara e tij dhe nxori shtizën. Sapo e pashë, i bërtita vëllait: “Vrapo, ik. Fshihu. Ai ka një armë.” Unë u përkula pas makinës dhe vëllai im u përpoq, por pa rezultat. Nga një distancë prej dy-tre metrash e qëlloi algjeriani. Dhe ai e qëlloi me dashje. Pastaj, ai hodhi shigjetën që kishte rënë në gjoksin e vëllait tim, u largua duke arritur makinën me të dashurën e tij”, shton 18 vjeçari.

Xhuliano, teksa rrëfen marrëdhënien e fortë që kishte me të vëllain, shprehet se kërkon të vendoset drejtësi për të.

“Dua drejtësi. E pashë vëllain të vdiste para meje, të vrarë me indiferencë totale, pa e kuptuar as pse. Pa pasur kohë për të vënë re se ai po vdiste. E pashë të zbehej gjithnjë e më shumë, krejt papritur, dhe nuk më përgjigjej më sepse kishte vdekur.

Nuk ishte vetëm vëllai im. Ai ishte edhe babai im. Ai ka punuar gjithmonë dhe vetëm për të më çuar në Itali, për një jetë më dinjitoze. Edhe kur fitonte 500 euro në muaj, sapo mbërriti në Itali, më ndau 300: për dokumentet e mia që të vija këtu të jetoja me të, në një apartament afër stacionit në Ankona. Ai u sakrifikua deri në pikën që më bëri të luaja në një ekip futbolli”, tregon 18-vjeçari.