Flash News

Futbollisti francez shpallet “lojtari i sezonit” në Champions League

Flakët përfshijnë masivin pyjor të Darëzezës në Fier

Aksident i rëndë në Vlorë, përplaset automjeti me dy të rinj, vdes njëri prej tyre

Policia Kufitare e Durrësit gjen dy turistë me skaf, njëri humb jetën, tjetri në gjendje të rëndë

Makina përplas motorin, vdes 67-vjeçari në Bilisht

E-TJERA

USAID-Soros organizatë kriminale/ Të ribëhet Reforma në Drejtësi!

Politiko 3 Shkurt 2025, 13:59

USAID-Soros organizatë kriminale/ Të ribëhet Reforma në

Nga Basir Çollaku

USAID Organizatë Kriminale?! Po financimet e saj në Tiranë në OJF e “reforma”! Elon Musk akuzon USAID si organizatë kriminale. Musk, miliarderi i Tesla dhe rrjetit social X, është drejtues i agjencisë DOGE për efiçencën e qeverisjes amerikane dhe të fondeve të saj.

Në akuza përfshihen edhe ndërhyrjet për mbështetjen e të majtës edhe në Shqipëri, ku aktori dominues ishte Xhorxh Soros. Reforma në drejtësi është njëra nga aktet. Ndërsa aktivistja Merissa Hansen, shkruan se fondet e kësaj agjencie, që duhet të shkonin për Palestinën, në fakt shkuan për miliarderin majtist George Soros. Ky i fundit i përdori ato për operacionet e tij në Shqipëri dhe Maqedoni. Soros mori 15 milionë dollarë nga USAID në mandatin Obama, zbardhjen e kësaj axhende e kërkuan në 2017-ën edhe 6 senatorë amerikanë sekretarit të shtetit aso kohe, Rex Tillerson

Tjetër akuzë është abuzim me taksat amerikane nga ana e Agjencisë për financime në tregun e heroinës në Afganistan. Në Tiranë ata kontrolluan thuajse gjithçka. Kryeministri Rama dhe bashkiaku Veliaj, në mënyrë të përsëritur kanë postuar foto me Aleks Soros, duke nënshkruar se ky ishte vëllai i tyre. Të dy kanë dosje të shumta në SPAK, Strukturë e ndërtuar nga SOROS, e financime të Agjencisë.

Dekreti i presidentit Donald Trump, për ndërprerje financimesh pa afat dhe hetime, se si janë ushqyer agendat majtiste radikale, ka përfshirë edhe Shqipërinë. Ky investigim do të nxjerrë mjaft kusure. Yuri Kim dhe Donald Lu, dy ambasadorët ndikues e mbështetës të këtyre axhendave ekstreme majtiste në Tiranë, janë larguar nga detyrat deplomatike. Ish-zyrtarë të lartë amerikanë e kanë akuzuar Kim si model korruptiv, për tu korrigjuar. Lu dhe Kim kanë qenë nxitësit deri në dhunim të kapjes së formës së drejtësisë së krijuar në 2016.

Lobingjet nëpërmjet agjentëve të korruptuar të FBI, ku kulmon ish-zv/drejtori kundërzbulimit, Charles McGonigal, kundër opozitës, PD e liderit të saj Sali Berisha, janë sekrete të hapura. Projektet e ambasadave ku printe ajo amerikane, nëpërmjet USAID apo mekanizmave të tjerë, shkonin gjithnjë sipas skemës së pushtetit tek majtistët, të angazhuar në mbrojtjen radikale të partisë në pushtet, ndonëse inkriminimi i saj është katastrofik.

Një ambasador amerikan i ri, është emergjencë edhe për të mbajtur qëndrime të hapura ndaj institucioneve të kapura e të kontrolluara nga Rama dhe pushtetarët e tij. Mbi Shqipërinë, Rama si ushatar i Soros ka kryer genocide, me axhendën e shpopullimit. Ndaj politikës dhe kundërshtarëve, ka përdorur të quajturën drejtësi. Të gjithë duhen hetuar e vënë përpara përgjegjësisë. Së pari asaj penale. Kushdo qofshin.

Duhen përfshirë në hetim edhe ndërkombëtarët, pjesë e këtij procesi, si dhe ata prokurorë e gjyqtarë drekues e darkues me Soros, të cilët prisnin tu fërkohej kurrizi për të sulmuar opozitën e mbrojtur Veliajn, Ramën, ministrat e ushtrinë e tyre, duhen të shkojnë në ndjekje penale.

Reforma në drejtësi, e cila është prodhim i Fondacionit duhet ribërë. Duhet hetuar me detaje, në çdo qindarkë dhe çdo individ, në vendimet e në emërimet. Tek ata prokurorë e gjyqtarë zbatues porosish jo vendimmarrës sipas provave e fakteve. Të rishikohen bvednimet e largimit të prokurorëve e gjyqtarëve për arsye krahinore e perceptimit politik.

Të kthehen në detyrë ata të larguarit nga sms e qeverisë. Nga drejtësia nis. Pastaj të tjerët janë në radhë…