Flash News

Çmimet e shportës nën monitorim, Autoriteti i Konkurrencës nis monitorimin e supermarketeve

Zeroja me xhufkë shkruan “Rilindja 2.0” 

Berisha: PD do dorëzojë së shpejti padi për Librin e Kuq të Edi Ramës

Reuters: Biznesmeni që i shiti tokën Kushnerit dyshohet për pastrim parash

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Veliaj padit Syri tv dhe gazetarin e emisionit invetigativ, reagon Koka: Faleminderit për Medaljen e Nderit!

Politiko 3 April 2023, 19:00

Veliaj padit Syri tv dhe gazetarin e emisionit invetigativ, reagon Koka:

Kryebashkiaku i Tiranës, Erion Veliaj ka dorëzuar sot në Gjykatën e Tiranës një kallëzim penal për shpifje për televizionin Syri, pak ditë pasi në emisionin “Piranjat”, u publikua dëshmia e biznesmenit italian Gabriele Tarroni Longinotti, i cili rrëfeu kontaktet me kryebashkiakun e Tiranës dhe abuzimin me fondet për të blerë një incenerator të nxjerrë jashtë pune, që më pas do të instalohej në Shqipëri.

Në një dalje për mediat, avokati Plarent Ndreca bëri me dije se në Gjykatë është depozituar padia për gjykimin penal për shpifje ndaj Televizionit Syri, emisionit “Piranjat, gazetarit Bledian Koka, dhe producentit Vojo Bregu, duke e cilësuar si një shpifje ordinere dhe falsifikim faktesh.

“Përveçse një shpifje ordinere alla ‘babale’, duket qartë se kjo është një skemë mashtrimi, e cila ka si qëllim vetëm garën elektorale dhe denigrimin e kandidatit të PS. Skemë e cila provohet nga fakti se, menjëherë pas publikimit të këtyre fakteve të rreme, u përqafua nga kandidati i Partisë së Lirisë dhe eksponentët e Partisë së Lirisë.

Kjo përbën një shkelje të rëndë të ligjit. Përmes kësaj padie, ftojmë të gjithë ata që janë marrë me këtë skemë mashtrimi, të vijnë në gjykatë dhe të parashtrojnë faktet, ose ndryshe të mbajnë përgjegjësi ligjore për shpifjet e bëra dhe të përgënjeshtrojnë me të njëjtën mënyrë gënjeshtrën që kanë publikuar”, deklaroi avokati Ndreca.

Koka: Faleminderit për Medaljen e Nderit!

Lidhur me këtë padi, vjen reagimi i gazetarit Bledian Koka. Në një postim në rrjetet sociale, ai e ka cilësuar padinë si një Medalje Nderi nga ajo ngrihet nga një politikan.

“Faleminderit për Medaljen e Nderit!

Sot Erion Veliaj me paska bere nje padi penale mua dhe Syri TV (megjithese ne injorancen totale e portalin Syri.net e quajne televizion) pas publikimit te nje deshmie me ze e me figure te nje shtetasi italian qe ka hedhur drite per skandalin e gjithepranuar te Inceneratoreve. Vleresimi me i madh qe mund ti behet nje gazetari eshte te paditet nga nje politikan, keshtuqe nder me te madh Erion Veliaj s'mund te me bente! Nga ana tjeter, padia e ores 12.30 nga selia e PS-se vjen fiks 2 ore pasi ne posten elektronike te Veliajt kam derguar keto pyetje pas deklaratave publike te shtetasit italiana Gabriele Tarroni Longinotti, një biznesmen ish-ortak i Alberto Presezzit, person kyç në sjelljen në Shqipëri e të paktën njërit nga inceneratorët!

p.s...sot per mua dhe Syri TV e Syri.net eshte nje dite fantastike, me besoni”, shkruan Koka.

 

 

Të fundit