Flash News

Vrasja e 55-vjeçares në Shkodër, çfarë dëshmoi autori pas arrestimit

Arsimi profesional, 18% e të diplomuarve as në punë as në shkollë

VIDEO-skandali në Sarandë/ Drejtori i AMP Vlorë dhe zyrtarët ngacmojnë se*sualisht turistet

“The New York Times” për koncertin e Ye: Si justifikon Rama 4.5 milionë dollarët e financimit

Identifikohet autori i dyshuar i vrasjes në Laç, qëlloi 7 herë pranë pallatit 40-vjeçarin

E-TJERA

VIDEO-skandali në Sarandë/ Drejtori i AMP Vlorë dhe zyrtarët ngacmojnë se*sualisht turistet

Politiko 10 July 2026, 11:05

VIDEO-skandali në Sarandë/ Drejtori i AMP Vlorë dhe zyrtarët

Teksa qeveria promovon Shqipërinë si një destinacion turistik dhe flet për rritjen e numrit të vizitorëve të huaj, një video e publikuar nga avokati Arben Llangozi ka ngritur pikëpyetje mbi sjelljen e disa zyrtarëve të shtetit ndaj turisteve.

Sipas Llangozit, në pamje dëgjohet drejtori i Agjencisë së Mbikëqyrjes Policore (AMP) në Vlorë, Genci Kolgjini, duke përdorur një shprehje të papërshtatshme në adresë të dy turisteve.

Ai pretendon se në të njëjtën situatë shfaqen edhe punonjës të tjerë, të cilët, sipas tij, krijojnë një atmosferë me komente seksiste dhe denigruese ndaj grave.

Përmes reagimit të tij publik, avokati kërkon reagim nga Ministria e Brendshme dhe drejtuesit qendrorë të AMP-së, duke theksuar se mungesa e një qëndrimi zyrtar do të përbënte tolerim të një sjelljeje të papranueshme.

Denoncimi:

Kjo është “Policia që duam”? Në mes të sezonit turistik, në Sarandë, një video-skandal ekspozon një sjellje të turpshme institucionale: drejtori i AMP Vlorë, Genci Kolgjini, dëgjohet duke përdorur shprehjen poshtëruese ndaj turisteve: “ato të kënaqin”.

Por skandali nuk ndalet vetëm te drejtori. Në të njëjtën situatë, edhe punonjës të tjerë të pranishëm shfaqen të përfshirë në të njëjtën klimë sjelljeje vulgare, tallëse dhe ngacmuese ndaj turisteve. Kjo është gjuhë seksiste dhe ngacmim seksual ndaj grave që thjesht kalojnë në rrugë. AMP, institucioni që duhet të kontrollojë etikën e Policisë, del vetë në video si shembull i arrogancës, vulgaritetit dhe papërgjegjshmërisë.

Pra, kush i kontrollon kontrollorët? Ministria e Brendshme dhe AMP qendrore nuk mund të heshtin. Heshtja këtu është mbulim. Justifikimi është bashkëfajësi. Turistet nuk janë objekt komentesh seksuale. Gratë nuk janë objekt talljeje.Saranda nuk është vend ku zyrtarët dhe punonjësit e shtetit mund të sillen me fjalor rrugësh dhe të fshihen pas postit.

Genci Kolgjini dhe punonjësit e tjerë të përfshirë duhet të japin shpjegime publike dhe të mbajnë përgjegjësi për këtë video-skandal.Kjo nuk është “Policia që duam”. Kjo është fytyra e turpit të policise. Skenë tipike si ato të viteve ’90, kur disa adoleshentë rrinin qosheve të rrugës dhe kujtonin se ngacmimi i vajzave ishte trimëri, humor apo “burrëri”. I njëjti mentalitet i vjetër, i ulët dhe provincial: fjalor vulgar, tallje, fishkëllima, komente pas shpine dhe zero respekt për gratë. Një sjellje që nuk tregon forcë, por mungesë edukate, mungesë qytetarie dhe mendësi të mbetur në rrugët e errëta të një kohe që duhet të kishte marrë fund prej dekadash.

Të fundit