Flash News

E-TJERA

Vrasja e 19-vjeçarit në Shkodër, policia identifikon dhe shpall në kërkim autorin e dyshuar

Vrasja e 19-vjeçarit në Shkodër, policia identifikon dhe shpall

Identifikohet nga policia autori i dyshuar i ekzekutimit të 19-vjeçarit, Erjon Xhenje pak ditë më parë në Shkodër.

Kështu, Bajram Çekorja është shpallur në kërkim si autor i dyshuar i vrasjes me armë zjarri të Erjon Xhenjes.

Po ashtu,  policia ka shpallur ne kërkim edhe dy persona te tjerë qe mendohet se jane te implikuar ne vrasjen e 19-vjeçarit, duke ndihmuar autorin e dyshuar.

Bajram Çekorja nuk është një emër i panjohur për drejtësinë. AI  dyshohet se mbrëmjen e 25 gushtit së bashku me Tornato Fushën qëlluan me breshëri plumbash drejt Alban Bruçit në një tentativë për ta ekzekutuar, por ky i fundit arriti të shpëtojë i palënduar.

Ndërkohë, më 2 shtator të këtij viti i ati i Bajram Çekorjes, Ismet Çekjorja, u vra me armë zjarri në lagjen Kiras të Shkodrës.

Njoftimi i policisë: 

Identifikohet dhe shpallet në kërkim një 24-vjeçar, i dyshuar si autori kryesor i ngjarjes së ndodhur në datën 18.09.2022, në bulevardin “Bujar Bishanaku”, ku mbeti i vrarë me armë zjarri një shtetas.

Nga strukturat e Drejtorisë Vendore të Policisë Shkodër, falë veprimeve të shpejta hetimore për zbardhjen e ngjarjes të ndodhur më datë 18.09.2022, në bulevardin “Bujar Bishanaku”, ku mbeti i vrarë me armë zjarri një 19-vjeçar, është identifikuar dhe shpallur në kërkim shtetasi B. Ç., 24 vjeç, banues në Shkodër, i dyshuar si autori kryesor i kësaj ngjarjeje.

Nga veprimet hetimore dhe provat e grumbulluara dyshohet se shtetasi B. Ç., më datë 18.09.2022, rreth orës 20:10, në një lokal në bulevardin “Bujar Bishanaku” Shkodër, ka vrarë me armë zjarri shtetasin E. Xh., 19 vjeç, banues në lagjen “Guerile”, Shkodër.

Gjatë kontrollit të territorit nga shërbimet e shumta të Policisë, në rrugën “Saçej”, në lagjen “Guerile”, është gjetur një motomjet i djegur plotësisht, si dhe 1 armë zjarri pistoletë, që dyshohet se janë përdorur në këtë ngjarje.

Po punohet për kapjen e shtetasit B. Ç., identifikimin dhe kapjen e personave të tjerë të përfshirë në këtë ngjarje.

Materialet iu referuan Prokurorisë pranë Gjykatës së Rrethit Gjyqësor Shkodër, për veprat penale “Vrasja me paramendim” e kryer në bashkëpunim dhe “Mbajtja pa leje e armëve dhe e municionit”.

 

Të fundit