Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vrasja e nënkomisarit, eksperti i kriminalistikës: Kemi ndërtuar sistem vrasësish, drejtësia penale ka dështuar

Politiko 29 Shtator 2021, 13:27

Vrasja e nënkomisarit, eksperti i kriminalistikës: Kemi ndërtuar

Një ditë pas ekzekutimit të nënkomisarit Saimir Hoxha në Lezhë nga 21-vjeçari Aldi Rama, eksperti i kriminalistikës Ervin Karamuça ka renditur disa nga faktorët të cilët janë ‘fajtorë’ për degradimin e kriminalitetin në  vendin tonë.

Në një intervistë për Report Tv, Karamuça shprehet se në Shqipëri është krijuar një mode i tipit “Toni Montana’ që rrezikon ndjeshëm gjeneratën e re. AI thekson se me ngjarjen e djeshme pesha bie familjen, kujdesin social dhe drejtësinë.

“Ne në këto vite kemi ndërtuar një sistem vrasësish, një model ku gjenerata e re rrezikon të na kthehet në vrasës, pjesëtar të bandave kriminale. Vrasësi i heshtur është paaftësia, neglizhenca, pazaret, kompromisi në polici. Disa struktura që janë të kompromentuara rëndë me krimin, sot na kanë shkaktuar një kosto shumë të madhe. Për të riun ka dështuar familja, kujdesi social, drejtësia penale, kemi probleme të rënda të drejtësisë dhe parandalimi i kriminalitetit. Këto dështuan dhe sot të gjithë jemi të rrezikuar, jemi në pragun e shpërthimit të një bombe sociale që akumulohet prej vitesh. Kemi në shoqëri modele të Toni Montanës. Janë këto që po na prodhojnë çdo ditë më shumë këto lloj personash që nuk kanë një zgjidhje, një model. I duhet vënë gishti kokës, jemi në momentin për të menduar se çfarë do ndryshojmë në këtë sistem sepse po prodhon vrasës,” është shprehur Karamuça.

Sipas Kramuçës, deklarata e plotë e policisë që hedh dritë mbi detajet e ngjarjes duhej të ishte bërë publike që dje. Ai hedh dyshime mbi mënyrën se si efektivët kishin ndërmarrë operacionin antidrogë të pa shoqëruar nga forca të tjera.

“Deklarata e Policisë është shumë e vonuar, do të duhej të kishte dalë dje, nuk e di nëse janë rregulluar gjërat, aty vetëm kronologji të rregullt të ngjarjes nuk ka. 3 policë nuk mund të shkojnë vetëm të bëjnë veprime procedurale në një parcelë me kanabis. Hera e parë që dëgjoj që bandat ndjekin policinë dhe jo policia bandat. Kjo është jologjike, nëse policia ka arritur në këtë pikë, drejtuesit duhet të japin dorëheqjen dhe të ikin me turp,” ka shtuar Karamuça.

 

Të fundit