Zbulohen hakerat iranianë që sulmuan Shqipërinë

Media ‘Iran International’ ka publikuar fotografi të personave që fshihen pas sulmeve kibernetike globale, të cilët janë të lidhur me agjenci të ndryshme të inteligjencës qeveritare në Teheran.

Rasti më i fundit i një sulmi kibernetik që i atribuohet operativëve të inteligjencës iraniane ishte një ndërhyrje e hakerëve në sistemet kompjuterike të qeverisë shqiptare që filloi në vitin 2021 sipas hetimeve të sigurisë të Microsoft. Informacioni u vodh dhe shërbimet publike u ndërprenë nga hakerat iranianë, sepse Shqipëria po strehon një grup opozitar.

Javën e kaluar, Shqipëria ndërpreu marrëdhëniet diplomatike me Iranin dhe dëboi diplomatët e saj dhe menjëherë forcat e saj të sigurisë hynë në kompleksin e ambasadës duke kërkuar prova, shkruan media iraniane.

Sipas informacionit të marrë nga firma e sigurisë kibernetike Backdoor, kreu i luftës kibernetike të Gardës Revolucionare të Iranit (IRGC) është një person i identifikuar si Hamidreza Lashkarian (Lashgarian) 61-vjeç, me banim në Teheran dhe me sa duket një pedagog universiteti me artikuj të botuar.

Javën e kaluar, një grup i quajtur Sayyad Project shënjestroi aeroportin e Tiranës. Një grup kibernetik anti-Iran i quajtur Lab Dookhtegan ose Read My Lips zbuloi identitetin e personit që drejtonte sulmin kibernetik si Mohammad-Bagher Shirinkar.

Iran International ka marrë foton e tij nga Backdoor dhe pseudonimi i tij është Mojtaba Tehrani, i sanksionuar nga Shtetet e Bashkuara për lidhjen e tij me IRGC.

Vëllai i tij Mhammad-Hossein Shirinkar është gjithashtu një nga aktorët kryesorë në grupin Sayyad. Ai thuhet se është kreu i Inspektoratit të Inteligjencës së IRGC, sipas Lab Dookhtegan.

Një operator tjetër është Mehdi Hashemi Tughraljardi i cili është kunati i vëllezërve Shirinkar. Ai është gjithashtu i sanksionuar nga SHBA dhe drejtor i përgjithshëm i një kompanie dixhitale në Teheran.

Hetimi i Microsoft doli në një përfundim të qartë në lidhje me sulmet kibernetike ndaj infrastrukturës publike dixhitale shqiptare

Sipas Microsoft, sulmuesit u vëzhguan që vepronin jashtë Iranit dhe përdorën mjete dhe një kod fshirëse të përdorur më parë nga sulmues të tjerë të njohur iranianë me një histori të synimeve të sektorëve dhe vendeve të tjera që janë në përputhje me interesat iraniane.