Flash News

Mbante armë në banesë! Arrestohet një person në Maliq

E-TJERA

Zbulohet rrjeti i trafikut të drogës drejt Maqedonisë së Veriut, 4 të arrestuar

Politiko 13 Gusht 2023, 12:23

Zbulohet rrjeti i trafikut të drogës drejt Maqedonisë së

Policia e Pogradecit ka arrestuar 4 persona , pasi trafikonin lëndë narkotike përmes liqenit në drejtim të Maqedonisë së Veriut dhe arrestoi 4 persona.

Të arrestuarit janë: Ardian Toska, Aurel Toska, Roni Sulollari dhe Tane Bllazhe.

4 të arrestuarit funksiononin në formën e grupit, për të magazinuar lëndë narkotike pranë Qendrës së Rasatit të Koranit, në fshatin Lin dhe për ta trafikuar atë me varka peshkimi drejt RMV-së.

Njoftimi i policisë:

DVP Korçë/Finalizohet operacioni policor antidrogë i koduar “Restart 15”, sekuestrohen 26 kilogramë lëndë narkotike cannabis sativa.

Vepronin në formën e grupit, për të magazinuar lëndë narkotike, buzë liqenit në Pogradec, dhe për ta trafikuar atë, me varka peshkimi, drejt RMV-së, arrestohen 4 shtetas.

Nga hetimi proaktiv njëmujor rezultoi se 4 të arrestuarit e kryenin këtë veprimtari kriminale, kundrejt pagesës 500 euro/kg lëndë narkotike.

Së bashku me lëndën narkotike, sekuestrohen 1 varkë peshkimi, 2 automjete dhe 4 celularë.

Si rezultat i një hetimi intensiv, proaktiv, të ndjekur për 1 muaj, nga Policia dhe Prokuroria e Korçës, mbi informacione të siguruara se disa shtetas magazinonin lëndë narkotike, me qëllim trafikimin drejt RMV-së, specialistët e Seksionit për Hetimin e Trafiqeve të Paligjshme, të Drejtorisë Vendore të Policisë Korçë, finalizuan fazën e pesëmbëdhjetë të operacionit policor antidrogë të koduar "Restart".

 

 

Të fundit