Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Edhe ishulli i Sazanit me koncesion, do i jepet privatit për 30 vite

Politiko 12 Qershor 2017, 18:06

Edhe ishulli i Sazanit me koncesion, do i jepet privatit për 30 vite

Qeveria e Ramës është duke u përgatitur për dhënë me koncesion edhe ishullin e Sazanit.

Sipas informacioneve të gazetës “Telegraf”, raportohet se po bëhet gati dhënia me koncesion e ishullit në jug të vendit. Bashkia e Vlorës, Ministrja e Mbrojtjes dhe Ministria e Ekonomisë e Turizmit, janë bashkuar këto ditë në një lëvizje “ekonomiketuristike”, për të dhënë me koncesion edhe Sazanin.

Për përgatitjen e skenarit shkresor të këtij koncesioni, nismën e “instruktuar” e ka marrë Bashkia e Vlorës, e cila ka të drejtë administrimi territorial mbi këtë ishull. Kjo bashki ka paraqitur kërkesëpropozim tek kryeministri, për ta kthyer në qendër turistike tokësore-detare-rajonale, duke e kaluar me koncesion tek subjektet private në kuadrin e Partneritetit Publik Privat, mbasi “bashkia nuk ka fuqi ta administrojë” sipas Udhëzimit Nr. 4360, datë 28. 04. 2017, me objekt: “Për organizimin e vizitave turistike, në Ishullin e Sazanit”, të firmosur prej Ministres Milva Ekonomi!

Ky koncesion ka nisur nga procedurat e përgatitjes si “planbiznes” e “projekt kontratë”, vetëm afro 1 muaj pas daljes së Udhëzimit të Ministres Milva Ekonomi, që duket se është nxjerrë qëllimisht si bazë ligjore paraprake për të justifikuar nisjen e këtij koncesioni të ri. Konkretisht, ministrja Milva Ekonomi e ka firmosur Udhëzimin me Nr. 4360, në datën 28 Prill 2017, ndërsa puna për hartimin e koncesionit ka nisur më 25 maj 2017 ose 7 ditë pas “marrëveshjes teknike” Rama-Basha. Sipas udhëzimit, ka edhe një Marrëveshje Bashkëpunimi po “ilegale” me Nr. 2751, datë 05. 04. 2017, lidhur mes Ministrisë së Ekonomisë e Turizmit, Ministrisë së Mbrojtjes dhe Ministrisë së Punëve të Brendshme, si ministri të linjës së Sigurisë Kombëtare!

Po sa do të jetë afati i këtij koncesioni? Sa do të jetë, vlera që do paguajë shteti tek privati, nga taksat e shqiptarëve? Cilët do të jenë, përfituesit e këtij koncesioni? Sa për qind të të ardhurave prej biznesit të koncesionit, do të përfitojë shteti shqiptar? A do të bëhet publike kontrata koncesionare? Kur do të konkretizohet?

Në informacion thuhet se kontrata koncesionare e Ishullit të Sazanit do të jetë me afat 30vjeçar! Do jetë me vlerë 450 milionë euro taksa publike, të cilat shteti shqiptar do t’ia japë koncesionarit si detyrim për investimet.

Projekti financiar parashikon që në 10 vitet e para pas nisjes së aktivitetit, shteti shqiptar të mos përfitojë asnjë qindarkë nga ky koncesion, ndërsa pas 10 viteve do të përfitojë 4% të fitimeve për çdo vit aktivitet! Po kështu, aksionare mendohet të jetë një biznesmene koncesionesh dhe 2 ministra të besuar të “kryerilindësit”, të akuzuar për afera korruptive me financat publike, koncesionet dhe tenderët në shërbimet e punët publike.