Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Eduart Ndocaj i del në krah Bashës, numëron arsyet përse duhet mbështetur

Politiko 3 Korrik 2017, 09:33
Eduart Ndocaj i del në krah Bashës, numëron arsyet përse

Pas marrëveshjes së 18 majit mes kryeministrit Edi Rama dhe kandidatit për kreun e PD, Lulzim Basha, deputeti Eduart Ndocaj ishte një prej  të përjashtuarve nga lista e kandidatëve të Partisë Demokratike.

Por, pavarsisht vendimit të Bashës, Ndocaj i ka dalë sërish në krahë. Përmes një statusi në rrjetet sociale Ndocaj rendit arsyet se përse duhet mbështetur Lulzim Basha për të riadhur në krye të PD. Sipas Ndocajt Basha ka bërë betejë për zgjedhje të lira përballë një realiteti të vështirë dhe është i vendosur për të çuar deri në fund misionin e demokratizimit të vendit.

Statusi i Ndocajt:

Përse e mbështes Bashën?

Basha ashtu si unë, nuk është i humbur në zgjedhjet e 25 Qershorit! 

Këtë e them për arsyet e mëposhtme:

1. Basha ashtu si unë vendosi me dinjitet të konkurroj i vetëm përballë një realiteti të vështirë politikë dhe pas një krize të thellë.

2. Basha ashtu si unë bëri betejën për zgjedhje të lira e demokratike

3. Basha ashtu si unë nuk përdori para, shantazhe e apo kërcënime për ta blerë apo për ta tjetërsuar votën e lirë

4. Basha ashtu si unë ishte viktimë e vjedhjes, tjetërsimit të votës

5. Basha ashtu si unë është i vendosur për të çuar deri në fund misionin e demokratizimit të vendit dhe dekriminalizimin e politikës

6. Basha ashtu si unë është i vendosur për të modernizuar konceptet e Shtetit dhe mekanizmat e funksionimit të tij

Shqipëria është përballë një realiteti të rrezikshëm, ku pushteti rrezikon të maksimalizohet në duart e një pakice, që nuk e përfaqësojnë vullnetin e lirë të shqiptarëve, por e kanë marrë atë parme shantazhimit dhe tjetërsimit të votës.

Shqipëria ka nevojë për një Opozitë të bashkuar dhe koherente me proceset e kohës dhe me situatën e re politike në vend.

PD ka nevojë për aleatë serioz që janë faktor dhe kanë peshë elektorale e mbi të gjitha kanë vizione për të ardhmen e Shqipërisë Europiane!

Nga E. Ndocaj

 

Të fundit