Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Efektet shëndetësore pozitive të të luajturit ‘Golf’

Politiko 3 Shkurt 2019, 14:07

Efektet shëndetësore pozitive të të luajturit

Studiuesit sigurojnë se të luajturit 'Golf' ka shumë efekte pozitve në shëndetin tonë dhe mund të përmirësojë edhe mënyrën e jetesës.

Shtatë përfitime shëndetësore nga të luajturit ‘Golf’:

Shëndeti i zemrës - çdo formë e ushtrimit fizik ndihmon në mirëfunksionimin e zemrës suaj. Rreziku për atak kardiak dhe diabet zvogëlohet dhe mund të ketë efekte pozitive në zvogëlimin e presionit të gjakut dhe kolesterolit të dëmshëm, sidomos nëse kombinohet me një dietë dhe mënyrë jetese të shëndetshme. Federata Norvegjeze e Golfit (NGF) zbuloi se gjatë një raundi 18-vrima, një lojtar do të ketë një normë mesatare të zemrës prej 100 rrahje në minutë, gjatë një periudhe dy deri në pesë orë.

Stimulimi i trurit - Clive Ballard, drejtoreshë e hulumtimit në Shoqatën e Alzheimer, thotë: “Ecja në fushën e golfit është një mënyrë e shkëlqyeshme për të mbajtur zemrën dhe trurin tuaj të shëndetshëm. Duke e mbajtur trurin aktiv, siguroheni që truri juaj të ketë një furnizim të mirë me gjak, gjë që është thelbësore për ta ndihmuar atë të funksionojë mirë tani dhe në të ardhmen".

Humbja e peshës - Një raund me 18-vrima në golf, e tejkalon numrin e hapave të rekomanduar në ditë (10 mijë), sidomos kur ecni dhe jo kur përdorni një makinë të vogël golfi. Federata Norvegjeze e Golfit (NGF) tregon se projektet e fundit kërkimore zbuluan se një lojtar golfi mashkull djeg rreth 2,500 kCal gjatë një raundi me 18-vrima dhe lojtarët femra djegin afërsisht 1,500 kCal.

Zvogëlon stresin - Kënaqësia e ecjes në ajër të pastër dhe shoqërimi me një sfidë të shtuar mendore nënkupton që golfi çliron endorfinë, kimikatet natyrore që përmirësojnë funksionimin e trurit tuaj, dhe ju bëjnë të lumtur dhe të relaksuar.

Gjumë i përmirësuar - Ushtrimi dhe ajri i pastër janë një kombinim i rëndësishëm për gjumë të përmirësuar.

Reduktimi i lëndimeve fizike - Golfi është një aktivitet pa rreziqe, pasi ecën në një sipërfaqe të butë. Lojtarët e shohin këtë fakt si element tërheqës, pasi ata mund të djegin kalori me një rrezik të ulët lëndimi.

Jetoni më gjatë - Një studim suedez nga Instituti Karolinska i udhëhequr nga profesor Anders Ahlbom, zbuloi se lojtarët e golfit kanë një normë vdekjeje 40% më të ulët, e cila korrespondon me një rritje prej 5 vitesh të jetëgjatësisë.

"Ky sport elitar në vendin tonë nuk e ka gjetur përkrahjen e shtetit për ambiente ku të mundësohet ushtrimi për shumë të rinj, duke iu dhënë mundësinë atyre për t’u larguar nga shumë vese dhe stresi i përditshëm. Golfi është jo vetëm një lojë tërheqëse dhe konkurruese, por sjell më afër njerëzit, biznesin, turizmin”, thotë kryetari i Federatës Shqiptare të Golfit, Marin Harxhi.