Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ekstradimi i Seitit, Basha jashtë Kuvendit: Skandal, do kapej “peshku i parë i madh”; mafia i mbylli gojën

Politiko 1 Shkurt 2018, 12:06
Ekstradimi i Seitit, Basha jashtë Kuvendit: Skandal, do kapej “peshku

Kreu i PD-së, Lulzim Basha ka folur për mediat në ambientet jashtë Kuvendit për skandalin e ekstradimit të Nazer Seitit drejt Italisë, i cili konsiderohet si financieri i bandës së Habilajve. Basha tha se ky është skandali më i madh në 27 vite, pasi me këtë ekstradim u hoq mundësia që të kapej “peshku i parë i madh”.

Sipas kryeopozitarit, Seiti kishte dijeni sa para kanë marrë Saimir Tahiri dhe Edi Rama për trafikun e drogës dhe se këto do ia tregonte drejtësisë shqiptare.

Pjesë nga fjala e Bashës:

Skandali më i madh në 27 vite histori është rrëmbimi i Nazer Seitit, financierit të bandës Habilajve,  njeriu që ka mbajtur shënim sa para i janë dhënë Saimir Tahirit, sa ka mbajtur për veten e tij, sa për Edi Ramës, sa për zyrtarë të tjerë të kësa qeverie, të kësaj bande, të kësaj mafie-qeverie. Sipas vetë pohimeve të familjarëve, ishte bërë gati të kthehej në bashkëpunëtor të drejtësisë, duke i dhënë kështu çështjes Tahiri-Habilaj, një zgjidhje vendimtare, duke rrëzuar çdo alibi të Edi Ramës për mos arrestimin dhe mosvënien para drejtësisë dhe prapa hekurave të ministrit të tij të shembullt, duke i dhënë Shqipërisë “peshkun e parë të madh”, i cili do të hap rrugën për “peshqit e tjerë të mëdhenj”, autorët e inkriminimit të Shqipërisë. Autorët e aleancës së Shqipërisë me krimit, aleancës së mbushjes së vendit me drogë, si pasojë e të cilëve shqiptarët janë sot më të varfër, më të papunë, më të pashpresë dhe me emigracionin më të lartë në 15 vitet e fundit.

Mafia në pushtet e ekstradoi me qëllim që t’i mbyllë gojën, të zvarrisë dhe të mbrojë Saimir Tahirin, për të mbrojtur Edi Ramën, për të mbrojtur kupolën mafioze në pushtet.

PD do kërkonte praninë e Ramës për ta përballur me skandalin më të madh në 27 vite. I rëndë është bashkëpunimi i ministrit të brendshëm me trafikanët e drogës, por akoma më e rëndë është që kryeministri, ministria e brendshme dhe drejtësisë, prokuroria e përgjithshme, Interpol Tirana dhe Policia e Shtetit janë bërë të gjithë bashkë.

I garantoj shqiptarët se opozita do të jetë në ballë të kësaj beteje jetike për të marrë në dorë fatin tonë.

Deputeti nxjerr dokumentin: Ministrja kërkoi informacion për Nazer Seitin. I ekstraduari është martuar me kushërirën e Habilajve

Të fundit