Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Enca tregon arsyen e sherrit me Noizyn: Për mua ishte zhgënjim i madh!

Politiko 13 Nëntor 2018, 12:30
Enca tregon arsyen e sherrit me Noizyn: Për mua ishte zhgënjim i madh!

Më shumë se një vit pas konfliktit të Encës dhe Noizy-t mbrëmjen e djeshme këngëtarja sqaroi për herë të parë arsyen e sherrit që pati me reperin.

Gjatë një interviste për emisionin “NIN”, këngëtarja shqiptare tregoi se nuk e cilëson Noizy-n si armik. Por nga ana tjetër thotë që nuk mund të bashkëpunojë më me të.

E pyetur si u përjashtua nga grupi i repit “OTR”, Enca tha:

“Nuk jam përjashtuar, se nuk më përjashton askush prej vendit tim. Kemi pasur suksese të mëdha bashkë, jam shumë krenare për ato suksese, fotot në Instagram i kam akoma”.

Ndërsa sa i përket arsyes se përse nuk ka reaguar më parë për sherrin mes tyre Enca u përgjigj, “Kisha një lidhje shoqërore dhe profesionale me atë artist, për mua ishte zhgënjim i madh. Dhe vetëm për respektin që kisha, për çfarëdo suksesi që ne kemi ndërtuar bashkë, nuk kam folur apo nuk kam thënë fjalë të këqija, se nuk kam frikë”.

Enca tregoi se mes saj dhe Noizy-t nuk pati asnjëherë një sqarim, pasi ky i fundit nuk pranoi që t’i dilte në takim.

“Në momentin që mua një person, kushdo qoftë ai, nuk më respekton dhe më hedh poshtë për asgjë, kjo tregon se ne nuk kemi qenë kurrë miq. Dhe unë nuk doja të isha më pjesë e atij grupi. Se mesazhi që mua më erdhi ishte: “Më kërko falje publikisht ose do shkruaj diçka në Instagram”.

Replika ime ishte, “Hajde të takohemi, ta flasim këtë gjë nga afër”, por jo të gjithë kanë pjekurinë, inteligjencën dhe dashamirësinë time. Ndoshta në atë moment unë kuptova, jo që humba një shok, por kurrë se kam pasur një shok. Ishte diçka që u bë shumë e madhe. Thjesht harroje i thashë. Në momentin që ti nuk respekton një femër, ti i tregon të gjithëve që është okay ta bësh këtë edhe kur nuk është”, u shpreh Enca.

Të fundit