Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Erdogan mund të arrestohet nën akuzat për gjenocid ndaj kurdëve

Politiko 18 Korrik 2017, 17:07
Erdogan mund të arrestohet nën akuzat për gjenocid ndaj

Pesë deputetë suedezë kanë paraqitur një padi kundër presidentit turk, Recep Tayyip Erdogan, të cilin e akuzojnë për gjenocid dhe krime kundër njerëzimit në zonat e populluara nga kurdët në Turqi.

Akuzat vijnë nga deputetë të partive të majta dhe të Gjelbër në Suedi dhe kanë të bëjnë me krimet që janë kryer në juglindje të Turqisë, ku po lufton ushtria Turke dhe Partia e Punëtorëve të Kurdistanit (PKK), një organizatë e shpallur terroriste edhe nga Europa dhe SHBA-ja.

Mijëra persona kanë humbur jetën dhe qindra shtëpi janë kthyer në të pabanueshme që prej përfundimit të armëpushimit të brishtë në vitin 2015.

Sipas ligjvënësve, për Erdoganin mund të shpallet urdhër-arrest në Suedi nëse prokurorët vendorë vendosin në nisin hetimet.

Njëri prej deputetëve denoncues, Carl Schlyter, tha se shpresonte që kolegët e tij në vendet e tjera të BE-së do të ndiqnin të njëjtën rrugë.

Schlyter, i cituar nga AFP, tha se shpresonte që kjo të ndikonte në politikën e Erdognait duke e penguar “të bredhë anekënd Europës dhe të influencojë ngjarjet në kontinent në mënyrën që ai dëshiron”.

Shumë ministra turq janë penguar së fundmi të organizojnë mitingje në Evropë pas tensioneve mes BE-së dhe Ankarasë.

E përditshmja izraelite “Haaretz” thotë se kjo padi është e para në llojin e saj në Suedi, kundër një kreu shteti. Një ligj i miratuar në vitin 2014 lejon gjyqtarët të shqyrtojnë krimet kundër njerëzimit kudo në botë, pavarësisht të akuzuarit si autor.

Ligji specifikon se çdokush që kryen vrasje në mënyrë që të shkatërrojë plotësisht ose pjesërisht një grup etnik është fajtor për “gjenocid”.

Partia e Punëtorëve të Kurdistanit (PKK) ka nisur kryengritjen e saj në provincën e Hakkarit në vitin 1984 dhe mbi 40 000 persona, shumica kurdë, kanë vdekur në luftime që prej asaj kohe.

Kurdët, të cilët besohet se janë rreth 15 milionë në Turqi, kërkojnë më shumë të drejta politike në vend.

 

Të fundit