Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Falsifikonin dokumente, 5 persona në pranga

Politiko 23 Qershor 2017, 16:22

Falsifikonin dokumente, 5 persona në pranga

Është goditur një grup i strukturuar kriminal i prodhimit dhe shitjes së lëndëve narkotike si edhe falsifikimit të dokumenteve, ndërsa në pranga kanë rënë 5 persona.

Burime zyrtare nga blutë e Korçës bënë me dije se në kuadër të operacionit “Euro Kart” u sekuestruan rreth 25 kg kanabis, aparate lojërash fati, si edhe zbulohet një laborator i falsifikimit të dokumenteve.

Personat që kanë rënë në pranga janë Artur Feçanji, 51 vjec, Thanas Sholla, 54 vjeç, Asqeri Bebri, 49 vjeç, Vladimir Furtuna, 58 vjeç si dhe Shkëlzen Muçollari, 30 vjeç, të gjithë banues në Korçë.

NJOFTIMI I POLICISË

Drejtoria Vendore e Policisë Korçë, Sektori Kundër Narkotikëve dhe Trafiqeve, Sektori Kundër Krimit Financiar në bashkëpunim me Prokurorinë e Rrethit Gjyqësor Korçë, kanë finalizuar me sukses operacionit “Euro Kart” në kuadër të procedimit penal Nr 570 viti 2017 të Prokurorisë së Rrethit Gjyqësor Korçë, për veprat penale “Falsifikimi i letërnjoftimeve, i pasaportave ose i vizave” neni 189/2 e 25 i Kodit Penal, “Falsifikimi i dokumenteve” neni 186/2 e 25 i Kodit Penal, “Falsifikimi i dokumenteve shkollore” neni 187 i Kodit Penal, “Falsifikimi i vulave, i stampave ose i formularëve“ neni 190/2 e 25 i Kodit Penal dhe “Prodhimi dhe shitja e narkotikëve” neni 283/2 i Kodit Penal.

Këto hetime kanë filluar në muajin Maj 2017 për personat e përfshirë në këtë veprimtari kriminale. Për dokumentimin ligjor të veprës penale për këtë procedim penal janë përdorur metodat special të hetimit, ku në përfundim të këtij plani Operacioni janë arrestuar në flagrancë shtetasit :

1. Artur Feçanji, 51 vjeç, banues në Korçë,

2. Thanas Sholla, 54 vjeç, banues në Korçë,

3. Asqeri Bebri, 49 vjeç, banues në Korçë,

4. Vladimir Furtuna, 58 vjeç, banues në Korçë,

5. Shkëlzen Muçollari, 30 vjeç, banues në Korçë.

Gjithashtu janë sekuestruar në cilësinë e provës materiale :

– Rreth 25 kilogram e dyshuar lëndë narkotike kanabiss sativa

– 700 euro të preres 50 euro copa,

-8 telefona të markave të ndryshme.

– 15 karta sim të kompanive të ndyshme,

– Një aparat për lojra fati,

-Një njësi bashkë me monitor dhe printer që përdoret për baste sportive,

-Një njësi bashkë me monitorin që përdorej për kryerjen e falsifikimit me program përkatës të avancuar,

– Një usb e cila ka materiale dhe programe për të kryer falsifikimin,

-Dy copë printera të teknologjisë së lartë që përdoreshin për prodhimin dhe falsifikimin e pasaportave biometrike, shqiptare dhe të huaja, si dhe kartave të identitetit shqiptare dhe të huaja,

– Pesë pasaporta shqiptare dhe dy pasaporta greke,

– Pesëmbëdhjetë karta identiteti shqiptare, dy karta identiteti spanjolle dhe dhjetë karta identiteti greke (tafto)

-Dokumenta të ndyshme shkollore (diploma, dëftesa pjekurie)

– Patenta ndërkombëtare greke dhe shqiptare .

– Solucione të posacme të cilat përdoreshin për kryerjet e falsifikimeve,

-Pajisje me ngrohje për plastifikimin e dokumentave.