Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fikja e sinjalit analog, katër anëtarë të AMA-s kërkojnë largimin e kryetarit

Politiko 12 Shtator 2018, 15:58
Fikja e sinjalit analog, katër anëtarë të AMA-s

Katër anëtarë të Autoritetit të Mediave Audiovizive kanë kërkuar largimin nga detyra të kryetarit Gentian Sala.

Propozimi ka ardhur pas fikjes së sinjalit analog, pasi sipas tyre ky veprim quhet antikushtetues.

Sipas Ora News, propozimi ka ardhur nga katër anëtarët e AMA-s Sami Neza, Suela Musta, Zylyftar Bregu dhe Agron Gjekmarkaj dhe firmosur prej tyre.

Shkresa e plotë e anëtarëve të AMA:

Tiranë, 12.09.2018

NJOFTIM

Sot anëtarët e Bordit të AMA z. Sami Nezaj, zj. Suela Musta, z. Agron Gjekmarkaj dhe z. Zylyftar Bregu, kërkuan në mbledhjen e Këshillit të AMA, mbajtur sot me 12.09.2018, që të nisin  procedurat e largimit nga detyra të kryetarit të Autoritetit, z. Gentian Salaj, bazuar  në nenin 12 të Ligjit për Transmetimet Audiovizive.

Kjo kërkesë vjen pas vendimit të AMA dhe kryetarit Salaj, për të mbyllur transmetimet analoge në datën 10 Shtator, pa njoftuar dhe mbledhur  paraprakisht Bordin vendimarrës të institucionit.

Anëtarët Nezaj, Musta, Gjekmarkaj dhe Bregu, konstatuan përgjegjësinë direkte individuale të Kryetarit të AMA për situatën e rëndë të krijuar me mbylljen e transmetive analoge, duke shkaktuar pakënaqësi të ligjshme tek qytetarët.

Sipas anëtarëve Nezaj, Gjekmarkaj, Musta dhe Bregu, ky vendim i mbylljes së menjëhershme të sinjalit televiziv analog shkaktoi shkelje masive të së drejtës kushtetuese të qytetarëve për informim, e mbrojtur kjo nga Kushtetuta e Shqipërisë.

Anëtarët shprehën shqetësimin se qytetarët në qarqet Tiranë dhe Durrës u gjendën të papërgatitur dhe të painformuar për mbylljen e sinjalit analog dhe kalimin në transmetim dixhital.

Anëtarët sollën në vëmendje se shteti dhe institucionet e tij kanë detyrimin jo vetëm të njohjes së të drejtave kushtetues formalisht (përfshirë të drejtën e informimit), por edhe të garantimin e tyre në praktikë.

Anëtarët kërkuan që të informohet sa më parë edhe Komisioni parlamentar i medias për cështjet që lidhen me dixhitalizimin e transmetimeve audiovizive, si dhe përgjegjësinë e Kryetarit të AMA-s për situatën e krijuar nga mbyllja e transmetive analoge, pa njoftim dhe vendimmarrje të Bordit vendimmarrës të institucionit.

Anëtarët:

Sami Nezaj

Suela Musta

Agron Gjekmarkaj

Zylyftar Bregu

Të fundit