Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fisnik Ismaili gris certifikatën e veteranit

Politiko 23 Gusht 2018, 14:36
Fisnik Ismaili gris certifikatën e veteranit

Fisnik Ismaili, deputeti i Partisë Socialdemokrate dhe ish-ushtari i Ushtrisë Çlirimtare të Kosovës ka hequr dorë nga statusi i veteranit. Këtë gjë e ka bërë të ditur përmes një statusi në rrjetin social “Facebook”.

“Regjistrimi i veteranëve është bë dy herë. Herën e parë menjëherë mbas lufte, kur u pata kthye në Londër, edhe nuk u pata lodhë me aplikue, kur mora vesh se maca e kuca ishin ba veteranë. Para 5 vjetësh u bë rishikimi i veteranëve, me komision, e me krejt procedurat e rregullta kishe, pikërisht për shkak të macave e kucave. Këtë herë aplikova, me shpresë se të paktën kjo vlerë e luftës nuk shkërrdhehet”, shkruan Ismaili.

Ismaili ka sqaruar se e ka grisur certifikatën e veteranit, sepse ka premtuar që nëse del vetëm një veteran i rremë, pas rishikimit të veteranëve, ai do të heqë dorë nga statusi i tij.

“Pata premtue se, nëse del vetëm një veteran i rremë në listat e reja, unë kam me çue dorë prej statusit tim, për të cilin edhe jam deklarue se nuk kam me marrë beneficione deri të pensionohem, edhe asnjë cent të vetëm, qoftë edhe për parkingjet e veteranëve, nuk e kam shfrytëzue deri tash”, thotë ai.

Ismaili shprehet më tej se për shkak se nuk merret asnjë masë për largimin e veteranëve të rrejshëm nga lista, veteranët e vërtetë duhet të largohen vet.

“Meqë kurrkush nuk po ndërmerr kurrgja me i largue mija veteranë të rremë prej listave, atëherë veteranët e vërtetë s’kemi çka lypim aty. Sot po e mbaj premtimin. Pak gjana në jetë më kanë dhimbtë sesa ky sot”, thotë Ismaili.

Të fundit