Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Flamur Noka kundër Ramës: Shëndetësia publike në Kukës, ka vdekur

Politiko 10 Shkurt 2018, 16:27

Vizita e Ramës në Kukës duket se i ka ndezur jo pak gjakrat, por ai që i ka kushtuar rëndësi të veçantë ka qenë vetë deputeti i PD-së, Flamur Noka. Përmes një statusi në rrjetin e tij social Facebook, Noka ka renditur disa të vërteta për sa i përket shëndetësisë në këtë qark. Ai thotë se “filmi” në të cilin u shfaq Rama sot nuk ishte gjë tjetër veçse i inskenuar, pasi realiteti është krejt e kundërta. Me tone të larta, Noka thotë se shëndetësia publike në Kukës ka vdekur.

Spitali I Kukësit është në gjendje të mjeruar, sepse kreu I tepsisë së Rilindjes jep çdo vit 20 milionë euro vetëm për konçensionet e dështuara dhe korruptive të shëndetësisë.

Kreu I tepsisë nuk tha asnjë fjale pse në fshatrat e Kukësit askush nuk ka shansin të ketë ndihmë shëndetësore. E vërteta është se në fshatra nuk ekziston një shërbim I tillë.

Stautusi i plotë

Nuk do ta kisha njohur Kukësin sot, nëse nuk do ta dija se po shikoja një film me regji të Edi Ramës. Në spitalin me mjekë dhe infiermierë të importuar, me bluza të sapoveshura, me korridore të lyera enkas për kryeministrin, ishin të gjithë të lumtur. Banorët e Tiranës do të kenë ndjerë zili për kushtet spitalore që shfaqen në filmin e Ramës. Por realiteti nuk është ai. Shëndetësia publike në Kukës, si në çdo qytet tjetër, ka vdekur. Spitali i Kukësit, ai që nuk duket në filmin e Ramës, është katandisur si një stallë e padenjë edhe për bagëtitë.

Spitali I Kukësit është në gjendje të mjeruar, sepse kreu I tepsisë së Rilindjes jep çdo vit 20 milionë euro vetëm për konçensionet e dështuara dhe korruptive të shëndetësisë.

Kreu I tepsisë nuk tha asnjë fjale pse në fshatrat e Kukësit askush nuk ka shansin të ketë ndihmë shëndetësore. E vërteta është se në fshatra nuk ekziston një shërbim I tillë.

Edi Rama nuk thotë se kush i detyroi mjekët të marrin arratinë nga sytë këmbet, nuk thotë as që pacientët në Kukës duhet të shkojnë në spital me çarçafë, garza, bisturi, ilaçe dhe batanije me vete.

Kreu i tepsisë së Rilindjes foli për pagesa faturash e tarifash nga banorët e qarkut të Kukësit, ku mjerimi migjenian nuk është metaforë, por realitet.

45 % e popullsisë në qark jetojnë me ndihme ekonomike, por Rama nuk tha asnjë fjale për punësimin dhe zbutjen e varferise.

Ne Kukësin e shpresës së vrarë, ku 15% e popullsisë ka marrë arratinë rrugëve të Europës dhe 50 % e mendojne çdo ditë ikjen, Edi Rama nuk përmendi asnjë projekt apo ide që të frenojë shkatërrimin.

Edi Rama ishte në Kukës, por nuk guxoi të zërë në gojë aeroportin, hapjen e të cilit e premtoi në fushatë me aq bujë.

Kreu i tepsisë së Rilindjes ishte në Kukës për për të inauguruar një investim të pushtetit local, por nuk u tha kuksianeve pse në 5 vjet buxheti për Qarkun e Kukësit ka qenë dhe është zero. Përtej fasadës së tepsisë në ERTV, Kukësi është në vdekje klinike dhe kjo është dhurata apo ndëshkimi i vërtetë I Edi Ramës për banorët që nuk e votuan dhe nuk do ta votojnë përsëri.

p.s.. Kuksianët edhe per nje analize apo vaksinim te bagetive ju duhet ti marrin ne krahe e ti çojnë bagëtitë në Shkodër se kreu i tepsise ju rrembeu edhe laboratorin veterinar.