Foto/ Qytetarët ‘kërcënohen’ për Covidin, socialistët nuk pyesin për masat që vendosën vetë

Ndërsa pandemia Covid-19 në Shqipëri është në pikun e saj me raste që shtohen e dyfishohen, ministria e Shëndetësisë e qeveria bëjnë thirrje të përsëritura për respektim të rregullave.

Megjithë ‘presionin’ që u bëhet qytetarëve për zbatim të masave anti-covid e paralajmërit të fundit të ministres Manastirliu se do të ketë ndëshkime të rënda për shkelësit, duket se vetë socialistët nuk i respektojnë këto masa.

E ndërsa grumbullohen në salla të mbyllura, nuk respektojnë as distancën  fizike nga njëri tjetri.

Fotot e fundit vijnë nga takimet që disa deputetë socialistë kanë pasur me bazën në qytetin e Vlorës, ndërkohë që nuk kanë munguar takimet në kafe. Nuk dihet nëse ministrja Manastirliu, të cilën e shohim çdo ditë në ekran, duke paralajmëruar e kërcënuar bizneset, t’iu ketë çuar ndonjë mesazh kolegeve të veta, që pozojnë si të ishim në kushtet më normale, e koronavirusi të mos ekzisonte.