Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fotoreportazh/ Falja e namazit në Bulevard; besimtarë, lypës dhe shpresë

Politiko 15 Qershor 2018, 14:01

Jona Kazani / Politiko

Për të gjithë besimtarët myslimanë, dita e sotme shënon festën e Fiter Bajramit. Quhet Fiter pasi të gjithë besimtarët e kanë obligim t’u dhurojnë diçka të varfërve, zakonisht një sasi të caktuar ushqimi, në mënyrë që edhe ata të kenë mundësi ta festojnë Bajramin.

Kjo festë vjen fill pas përfundimit të muajit të Ramazanit ose siç njihet ndryshe muaji i agjërimit, ku besimtarët rrinë 18 orë pa ngrënë e pa pirë deri në momentin e dy vakteve, atë të iftarit dhe syfyrit. Si çdo vit, edhe ditën e sotme qindra besimtarë myslimanë, burra gra e fëmijë, u mblodhën në bulevardin “Dëshmorët e Kombit” për të falur namazin.

Siç thuhet edhe në Kuran, profeti Muhamed e konsideron këtë namaz si shumë të veçantë dhe çdo besimtar duhet ta falë atë në mëngjes herët, kur dielli ngrihet në horizont.

Kjo kohë korrespondon me orën 6 të mëngjesit, kur rrezet e para të diellit prekin sipërfaqen e tokës. Edhe pse falja bëhet në 6, besimtarët myslimanë mbërrijnë në Bulevard që në orën 5 e pak, për të ndarë Sadaka Fitrin për të varfërit, që zakonisht është një sasi e caktuar ushqimi që u falet në mënyrë që edhe ata të festojnë Bajramin.

Pas shpërndarjes së ushqimit për njerëzit në nevojë, besimtarët mblidhen në bulevardin “Dëshmorët e Kombit” dhe shtrojnë tapetët e tyre të gjelbër afër njëri-tjetrit për të falur namazin.

Ndërkohë që bulevardi është i tejmbushur, të shumtë janë edhe ata që kanë mbuluar me gazeta edhe dy pjesët anësore të rrugës, në mënyrë që të kryejnë ritin fetar në këtë ditë të shënuar të mbylljes së Ramazanit.

Në pjesën kryesore të kësaj zonë qëndrojnë të ulur në gjunjë burrat, ndërsa gratë e mbuluara me shami e me veshjet karakteristike, janë gjunjëzuar në pjesën tjetër.

Mes tyre nuk mungojnë as fëmijët e moshave më të vogla, dhe as adoleshentë e të rinj. Pasi falen me duart para fytyrës, përulen dhe luten që Zoti t’ua falë gjynahet.

Të fundit