Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Frika nga coronavirus dhe ekspertë të veshur me të bardha në Tiranë? Si qëndron e vërteta

Politiko 10 Shkurt 2020, 09:32
Frika nga coronavirus dhe ekspertë të veshur me të bardha në

Ndërsa e gjithë bota është vënë në alarm prej coronavirusit që ka goditur jo vetëm Kinën, por numri i të infektuarve është shtrirë edhe në shumë shtete të tjera, Shqipëria paralelisht ka marrë prej kohësh masat e nevojshme, ndonëse sipas autoriteteve mbetemi një vend me rrezikshmëri të ulët.

Megjithatë, një foto e mbërritur në redaksinë e Politiko.al ngjalli dyshime të forta.

Siç duket, dy ekspertë të veshur nga koka te këmbët me uniformën e bardhë janë parë në ‘bulevardin Zogu I’ në Tiranë, duke ngjallur kureshtjen e kalimtarëve.

Po ashtu, të pranishëm ka edhe forca policore. Politiko ka pyetur pranë QSUT për vërtetësinë e këtij momenti dhe konfirmohet se nuk ka vend për panik.

Sipas burimeve, dy ekspertët dhe policia kanë shkuar për verifikim pas një telefonate në Urgjencën Kombëtare lidhur me një shtetas nga Kina.

Në zbatim të udhëzimeve të OBSH-së, nisur nga telefonata, ekspertët kanë shkuar në terren për të verifikuar rastin dhe ka rezultuar se nuk kemi të bëjmë me asnjë rast të dyshimtë dhe të infektuar me coronavirus, por me një shtetas kinez ilegal, i cili ishte larguar nga Kina që në nëntor 2019 dhe se po tentonte të kalonte në vendet e BE përmes Shqipërisë.

“Nuk ka as më të voglën lidhje me Koronavirus. Kanë vënë në alarm një vend të tërë kur duhej të informonin autoritetet e Policisë Kufitare dhe të Emigracionit. Kinezofobia ka marrë përmasa globale”, shprehet burimi për Politiko.

Kujtojmë se një ditë më parë, edhe autoritetet në Kosovë konfirmuan se pas një rasti të dyshimtë për një shtetase të huaj, fatmirësisht rezultoi se nuk kemi të bëjmë me një të infektuar me virusin kinez.

Të fundit