Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fronti opozitar rikthen protestat? Kryemadhi: Të zgjojmë besimin që populli të reagojë

Politiko 18 Tetor 2017, 13:31
Fronti opozitar rikthen protestat? Kryemadhi: Të zgjojmë besimin

Kryetarja e LSI-së, Monika Kryemadhi ka folur pas mbledhjes së përbashkët të partive opozitare ku u ra dakord për krijimin e një fronti të përbashkët kundër krimit në politikë dhe qeveri. Kryemadhi e konsideroi skandalin Tahiri-Habilaj si këmbanë të fortë për gjithë shoqërinë shqiptare, duke kërkuar angazhimin edhe të faktorëve jashtë politikës për ndryshimin e gjendjes në vend.

Sa i përket mundësisë së rikthimit të protestave në rrugë, Kryemadhi theksoi se partitë politike bëjnë manifestime ndërsa protestat i organizon populli dhe për këtë arsye duhet të zgjohet besimi te qytetarët në mënyrë që të reagojnë kundër narko-shtetit.

Basha pas krijimit të frontit opozitar: Skandali Tahiri-Habilaj vetëm maja e ajsbergut; të krijohet qeveria anti-mafia

Deklarata e Kryemadhit:

Fronti opozitar nisi të gjithë angazhimin e tij që është shumë i rëndësishëm, një luftë kundër narko-shtetit që përfaqësohet nga kryeministri Rama. Të gjitha partitë që morën pjesë ishin shumë të shqetësuara për gjendjen ku ndodhet Shqipëria, për rrezikun që i kanoset demokracisë shqiptare, e cila çdo ditë e më shumë po dobësohet dhe po del jashtë kornizave të saj.  Inkriminimi i çdo strukture shtetërore, inkriminimi i shtetit, inkriminimi i besueshmërisë, qytetarët kanë filluar të mos besojnë më dhe kërkojnë që të gjejnë zgjidhje te bandat dhe jo te policia dhe shteti. Kjo është fatkeqësia e një vendi, e një shteti, por mbi të gjitha fatkeqësia e një kombi. Kjo është një këmbanë shumë e fortë për të gjithë shoqërinë shqiptare.

Kjo ishte tryeza e parë, do të vijojmë edhe me tryeza të tjera. Sa i përket protestave, protestë nuk bëjnë partitë politike, partitë bëjnë manifestime, protestat vijnë nga populli, i cili e ndjen dhe i vjen e përbrendshme dhe populli duhet të besojë te ata që e drejtojnë. Unë jam e bindur se ky front kundër krimit do të jetë një nga inspiriruesit më të mëdhenj që kanë patur ndonjëherë shqiptarët në këto 27 vite tranzicioni. Është momenti që të gjithë së bashku t’i japim fund tranzicionit politik. Ky është një nga momentet që të gjithë së bashku të rizgjojmë ndërgjegjen kombëtare. Unë mendoj se ka ardhur momenti të bëjë një gjë të mirë për Shqipërinë.

Të fundit