Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ftesa për Bashën, deputeti i PD: Rama duhet të arrestojë Tahirin

Politiko 19 Prill 2018, 21:23
Ftesa për Bashën, deputeti i PD: Rama duhet të arrestojë

Ftesa e Edi Ramës për Lulzim Bashën është një "dhuratë greke". Kështu u shpreh deputeti demokrat, Luçiano Boçi i ftuar në studion e Report Tv. Për demokratët, kjo lëvizje e Ramës është një përpjekje për t'i ngritur kurth opozitës dhe lidershipit të saj për të kapitalizuar politikisht veten e tij.

Luçiano Boçi thekson se Rama duhet të kishte ndërmarrë veprime konkrete nëse do donte të bashkëpunonte me opozitën, duke arrestuar ish-ministrin e Brendshëm, policët e korruptuar dhe kokat e krimit.

“Z.Rama nuk është zgjedhur para një jave kryeministër, por si ftesë është "dhurata greke" e radhës e Ramës. Është një thënie latine që i ka rezistuar kohës kur tjetri bën një dhuratë kur ka një tradhti të vogël që përkthehet në pasojë. Rama është i pabesueshëm, një kryeministër që luan keq në fushën e madhe të politikës, i pëlqen loja me porta të vogla dhe çdo situatë kërkon ta kapitalizojë në favorin e vet. Rama është tashmë politikan i zbuluar në formatin e tij, krejtësisht i pabesë. Këto ftesa, ftesa literale t'i kishte bërë në mënyrë konkrete, kishte kohë të arrestonte ministrin e Brendshëm, policët e korruptuar dhe kriminelët. Kishte kohë të bënte reformën zgjedhore duke marrë në shqyrtim kërkesat e opozitës. Por ajo që bën është glorifikimi i vetvetes”, tha Boçi.

Duke komentuar rekomandimin e KE për çeljen e negociatave, deputeti demokrat tha se PD ka qenë dhe mbetet promotore e integrimit të Shqipërisë në BE.

Të fundit