Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fuga gjen presidentin e ri të përzgjedhur nga PS: Mbështetet nga deputetë ‘kopila’

Politiko 2 Korrik 2019, 19:10

Akademiku Artan Fuga ka analizuar deklaratat e presidentit Ilir Meta, në konferencën e sotme për shtyp. Sipas tij, kreu i shtetit do të dorëhiqet para datës 13 tetor, ndërkohë qe në vend të Metës, deklaron se Partia Socialiste do të emëroje Gramoz Ruçin.

Fuga paralajmëron se Rama do ta zgjedhë presidentin, duke u mbështetur edhe nga deputetët e ‘opozitë së re’, të cilët i quan ‘kopila’.

“Pra, të zgjedhi një president të paligjshëm, pra sistemi qeverisës në Shqipëri të deligjitimohet i gjithi, me pushtet lokal pa legjitimitet elektoral, me Kuvend gjysmagjel, dhe me President të dali jashtë kuadrit normal kushtetues. Të shpëtojë kush mundet !”, shkruan ai.

Statusi i plotë:

Gazetarë, a e kuptuat se çfarë ndodhi ?

----------------------------

Z. President shpalli sot se do të japi dorëheqjen përpara 13 tetorit, lëreni lojën me batuta!

Duke propozuar që në 13 tetor të bëhen edhe zgjedhjet e ligjshme lokale, edhe ato parlamentare edhe presidenciale, zoti Ilir Meta shpalli de facto se përpara 13 tetorit do të japi dorëheqjen.

Kjo sepse si do të bëhen zgjedhjet presidenciale nëse vendi i Presidentit nuk shpallet vakant???

Supozimi është që ai shpalli lëvizjen e tij politike të re. Bëhen ose jo zgjedhjet lokale - pak gjasa ka të pranohen nga kryeministri - Presidenti ka menduar të dorëhiqet.

E shpalli, sipas meje.

Pra nëse ti më shpie për gjykim në Gjykatën Kushtetuese, unë përpara jap dorëheqjen dhe e çoj krizën në pikën maksimale.

Në këto kushte kryeministri do të detyrohet të vejë kryetarin e kuvendit në atë post sikurse e kërkon kushtetuta, pra Shqipëria të mos ketë as President të vërtetë, ose ta zgjedhi presidentin me "deputetë" të mbetur jetimë politikisht, politikisht "kopila".

Pra, të zgjedhi një president të paligjshëm, pra sistemi

qeverisës në Shqipëri të deligjitimohet i gjithi, me pushtet lokal pa legjitimitet elektoral, me Kuvend gjysmagjel, dhe me President të dali jashtë kuadrit normal kushtetues.

Të shpëtojë kush mundet !

Të fundit