Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fuga në komisionin për arsimin: Duhet reformim në Akademinë e Shkencave, hetoni paratë publike

Politiko 10 Korrik 2019, 14:05

Fuga në komisionin për arsimin: Duhet reformim në Akademinë

Akademiku Artan Fuga deklaroi në komisionin për Arsimin dhe Mjetet e Informimit Publik se problemi me Akademinë e Shkencave nis që me zgjedhjet me kryetarin e ri, që ai i cilësoi të pavlefshme.

Ai paraqiti platformën e tij për projektligjin për Akademinë e Shkencave, ndërsa për nenet e projektligjit tha se bien në kundërshtim me Ligjin e Arsimit të Lartë.

Fuga shtoi se në Akademinë e Shkencave kanë ndodhur abuzime me fondet publike dhe ai i kërkoi parlamentit që të hetojë se çfarë kanë ndodhur me fondet publike.

“Akademia e shkencave bën për herë të dytë zgjedhje të jashtëligjshme ku kandidon dikush që është kryetar partie. Tani do vazhdojmë ne të dëgjojmë një Akademi me zgjedhje të pavlefshme? Se këtu fillon problemi. Përmbajtja e projektligjit, i bërë nga grupi i konstituuar nga Ministria e Arsimit.

Probleme të mëdha në strukturë, formulimin e neneve dhe më ka rënë si një gjë e rëndë vendimi i Këshillit të Ministrave ku pas dy vitesh thonë gjëra që i kemi thënë para dy vitesh. Të paktën në 10 pika është në kundërshtim me Ligjin për Arsimin e Lartë. Si mund të thuhet Akademia institucioni më i lartë?

Ne nuk kemi hierarki. Kjo Reformë është bërë mbi bazën e ruajtjes së interesave të personave që jemi brenda atje. Nuk bëhet kështu reforma, për çdo nen mund të rrimë nga gjysmë orë për të vënë duart në kokë dhe kjo vjen se në grupin e punës nuk ka asnjë jurist. Të gjitha këto janë të pabazuar në ligje, janë në kundërshtim me ligjin.”, tha Fuga në komisionin për Arsimin dhe Mjetet e Informimit Publik

Ai më pas u ndal te pika 5.

“Në pikën 5, thotë që jo akademikë mbi 75 vjeç, projektligji bie në kundërshtim me Kushtetutën. Të marrësh pjesë në një asamble ku t’i zgjedh po nuk zgjidhesh. Ti ke detyrë të zgjedhësh, po nuk je i domosdoshëm, si të vish si të mos vish nuk ka gjë. Kjo nuk ka asnjë pikë ku të mbahet

Titujt akademik dhe akademik i asociuar shoqërohen me pagesë të veçantë, për çfarë? Pagesë për punën, kontributin, apo titullin? Edhe akademiku të marrë pagë më shumë, edhe akademiku të marrë, nuk është njësoj se profesori merr shtesë mbi pagën, e ka të mbështetur mbi standarde të matshme, por akademiku nuk shkon se është atje mbi bazë standardesh, por sepse zgjidhet.

Unë kam kërkuar audit nga Kontrolli i Lartë i Shtetit. Ngrini një komision hetimor parlamentar për të hetuar se çfarë bëhet me paranë publike në Akademinë e Shkencave”, deklaroi Fuga.