Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gallup: 79% e të rinjve duan të ikin përgjithmonë nga Shqipëria

Politiko 7 Nëntor 2018, 15:52
Gallup: 79% e të rinjve duan të ikin përgjithmonë nga

Ndonëse ndër vite mosha e re e popullsisë është konsideruar nga ekonomistët si shpresa më e madhe e Shqipërisë drejt zhvillimit të shpejtë ekonomik, kjo shpresë po zbehet. Të rinjtë duan të ikin nga Shqipëria.

Sipas një vrojtim të “Gallup”, 79 për qind e të rinjve shqiptarë nga 15-29 vjeç duan të largohen përgjithmonë nga Shqipëria. Kjo është norma më e lartë në botë, me diferencë të theksuar nga të gjitha vendet e tjera, përfshirë ato në konflikte të armatosura.

Ndër vendet e rajonit, shifra e dytë më e madhe vihet re në Bosnje-Hercegovinë, me 62 për qind, e më pas Maqedonia me 51 për qind, ndërkohë që për Serbinë dhe Malin e Zi, pjesa e të rinjve që duan të largohen është më e ulët se 50 për qind.

“Dua të iki sa më parë. E kam menduar të iki në Gjermani”, tha një i ri shqiptar për Top Channel.

Ndërsa një tjetër i ri shprehet: “Sepse nuk ka punë, sepse është shumë e vështirë jetesa”, thotë një tjetër i ri.

Sipas INSTAT-it, në tremujorin e dytë të vitit papunësia për moshat nga 15-29 vjeç ishte 22.6 për qind, gati dy herë më e lartë sesa papunësia mesatare. Por, më shumë sesa mungesa e punës, të rinjtë i largon humbja e shpresës.

Ndërsa më të rrallë janë ata që duan të qëndrojnë në Shqipëri. “Sepse po ikëm ne, kush do të qëndrojë këtu?”, tha një tjetër djalë.

Largimi i të rinjve po shndërrohet në një nga problemet më të mëdha të Shqipërisë që do të ketë pasoja në ekonominë dhe zhvillimin e Shqipërisë.

Të fundit