Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gati amendamentet e ekspertëve për Kodin Zgjedhor, sot i dërgohen Këshillit Politik

Politiko 15 Qershor 2020, 10:18
Gati amendamentet e ekspertëve për Kodin Zgjedhor, sot i dërgohen

Këshilli Politik pritet të mblidhet sot në orën 17.00 për të diskutuar mbi amendamentet e përgatitura nga grupi i ekspertëve lidhur me Kodin e ri Zgjedhor dhe që më pas t’i shkojnë Kuvendit për miratim.

Cilat janë disa nga pikave të amendamenteve që do të kalojnë për diskutim:

Data e zgjedhjeve. Është zyrtare që data e zgjedhjeve do të caktohet në periudhat 15 prill-15 maj ose nga 15 tetori -15 nëntor.

KQZ tanimë do jetë e ndarë në tre organe, Komisioneri Shtetëror i Zgjedhjeve, Komisioni Rregullator dhe Komisioni i Ankimeve.

Komisioneri Shtetëror i Zgjedhjeve (Komisioneri) është organ monokratik që ushtron kompetencat ekzekutive, drejton administratën e KQZ-së dhe përfaqëson KQZ-në në marrëdhëniet me të tretët.

Komisioni Rregullator (Rregullatori) është organi kompetent për miratimin e akteve me karakter normativ në fushën e zgjedhjeve dhe vendosjen e rregullave për zgjedhjet.

Komisioni i Ankimimeve dhe Sanksioneve (KAS) është organ kompetent për shqyrtimin e ankimimeve administrative dhe për vendosjen e sanksioneve për shkelje të ligjit zgjedhor.

Është propozuar që nënkomsioneri të ketë mandat 4-vjeçar dhe jo 7-vjeçar.

Sa i përket teknologjisë në zgjedhje, KQZ vendos përdorimin e sistemeve të teknologjisë së informacionit, për të mbuluar aspekte të ndryshme të procesit.

Po ashtu, do jetë në dispozicion edhe një portal që do të shërbejë për të denoncuar shkeljet.

Amendamentet përcaktojnë se ankimimi i procesit do të bëhet në atë që do të quhet Kolegj Gjyqësor Zgjedhor, një institucion i ri që do këtë 8 gjyqtarë. Ata do përzgjidhen nga Këshilli i Lartë Gjyqësor dhe duhet të kenë kaluar procesin e vettingut.

Po ashtu, parashikohet votimi i emigrantëve. KQZ do jetë përgjegjëse për krijimin e kushteve për votën e emigrantëve.

Gjithashtu, partitë do kenë mundësi reklamimi gjatë fushatës, kurse financimi i partive në fushatat zgjedhore do bëhet nga buxheti i shtetit.

Të fundit