Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazetari Rusta: Grabitësit me benzinë me vete. Furgonin nuk e dogjën dot

Politiko 9 Prill 2019, 20:04

Gazetari i Report TV, Arsen Rrusta shprehet se autorët nuk mundën ta digjnin dot furgonin, edhe pse kishin një shishe me benzinë me vete. Rrusta shtoi më tej se zjarrfikëset në aeroport dyshohet të kenë dhënë të parët sinjalin për grabitjen.

"Furgoni me mbishkrim të rremë ‘Hetimi Tatimor’ u sekuestrua nga policia që i ndoqi në një shkëmbim zjarri autorët pasi grabitën lekët në bordin e avionit, ne pjesën e bagazheve gjatë kohës që paratë e bankave të nivelit të tyre kalonin me thasë nga makinat e blinduara të kompanive private në pjesën e bagazhit të avionit për në Vjenë, brenda të cilit kishte pasagjer. Ata nuk kanë mundur të djegin furgonin pasi shoku i tyre mbeti i vrarë nga policia dhe në tentativë për tu arratisur në këmbë me thasët me para me vete.

Shkëmbimi i zjarrit ndodhi në një rrugë dytësore rreth dy kilometra nga aeroporti, ndërkohë që autorët më tej dyshohet të jenë larguar me një tjetër automjet që i priste aty pranë, i cili u gjet më tej i djegur në zonën e Bathores. Zjarrfikëset në aeroport dyshohet të kenë dhënë të parët sinjalin për grabitjen. Policia tha se grabitësit kanë hyrë duke thyer derën e rrethimit që përdoret nga shërbimet zjarrfikëse”, sqaroi ai.

Sipas gazetarit Rusta, autorët kanë grabitur 5 thasë nga disa thasë me para që po transportoheshin, ndërkohë që në pistë kishte shumë makina autoblinda që shoqërojnë paratë. Mos-djegia e automjetit mund të ndihmojë në rëniën në gjurmë të autorëve dhe në gjetjen e provave të vlefshme për zbulimin e ngjarjes.

Të fundit