Flash News
Shoferja humb kontrollin në aksin Devoll-Miras, dy të plagosur
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Gazetarja në studio i ndërpret fjalën deputetit të PS: Tregoni etikë, ata reporterë punojnë gjithë ditën në rrugë
Gazetarja Mirela Milori i ka ndërprerë fjalën deputetit të Partisë Socialiste, Bledi Çuçi, i cili filloi t’i jepte leksione medias se si duhet të bënte punën e saj. Gazetarja kërkoi nga Çuçi që të fokusohej te politika dhe se si politikanët duhet të përmirësojnë punën e tyre, pasi e kanë shumë të lehtë të kritikojnë median për çdo gjë.
Deputeti socialist fillimisht rezistoi në akuzat e tij, por më pas u detyrua të tërhiqej duke deklaruar se kritikat nuk u drejtoheshin gazetarëve të terrenit, por atyre që japin opinione.
Ndonëse pretendon t’i japë mend medias, zoti Çuçi ende nuk e ka mësuar se gazetaria me opinionet janë totalisht të ndryshme...
Pjesë nga debati në studio:
Bledi Çuçi: Media duhet të bëjë më mirë punën e saj.
Gazetarja: Edhe politika duhet të bëjë punën e saj!
Bledi Çuçi: Ne jemi në fokus gjithmonë...
Gazetarja- Shumë mirë bëni, se për këtë punë paguheni nga taksat tona!
Çuçi: E bëjmë detyrën për të cilën paguhemi.
Gazetarja: Atë e pretendoni ju, pretendimet mund të jenë të ndryshme.
Çuçi: Këtu kemi të bëjmë me fakte.
Gazetarja: Ju lutem të kemi pak etikë, se e keni të lehtë t’i thoni medias dhe sapo media ju kërkon të bëni punën bëheni me skalione të betonizuara.
Gazetarja: Punojnë gjithë ditën ata reporterë në rrugë që të japin lajmin.
Çuçi: Unë nuk them për ata reporterë, por për ata njerëz që bëjnë opinione.