Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazmend Bardhi: Socialistët pjesë e protestës, skenarin e vendosin qytetarët

Politiko 11 Shkurt 2019, 23:57
Gazmend Bardhi: Socialistët pjesë e protestës, skenarin e

Sekretari i Përgjithshëm i PD, Gazment Bardhi është shprehur se do të jenë qytetarët ata që do vendosin se çfarë do ndodhë në protestën e opozitës në 16 shkurt përpara Kryeministrisë nga ku do të tentohet largimi i Edi Ramës.

Pyetur nëse PD dhe LSI kanë në plan të rrethojnë selinë qeveritare me protestues apo të bllokojnë të gjitha akset rrugore të Tiranës, Bardhi sqaroi se asnjë nga këto dy opsione nuk përjashtohet.

“Çdo opsion është i hapur. Nuk përjashton asnjë nga ato që janë thënë, por mund të ketë edhe të tjera. Do ta vendosim atë ditë me qytetarët. Në protestë do të ketë edhe socialistë. Në qytete të ndryshme të vendit na kanë pritur edhe socialistë. Janë të zhgënjyer sepse e kanë parë që kjo nuk është qeveri e PS por qeveri e Edi Ramës. Gjysma e ministrave nuk kanë lidhje me PS por janë shokë dhe miq të Edi Ramës ose gruas së tij. Nuk është një betejë mes forcave politike, por një qeverie që e ka lidhur fatin e vet me krimin dhe qytetarët. Prandaj, 16 shkurti nuk është protestë politike, por është qytetare”, deklaroi Bardhi në emisionin "5 pyetjet " në Report Tv.

Zgjidhja e vetme, sipas Bardhit, pas ezaurimit të rrugëve institucionale dhe ligjore, mbetet largimi i Edi Ramës dhe qeverisë së tij dhe krijimi i një qeverie me mandat tranzitor.

Të fundit