Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gjakmarrja në Shqipëri, BBC: Historia e trishtë e Nikos 13-vjeçar që jeton brenda 4 mureve

Politiko 12 Nëntor 2017, 12:22

Gjakmarrja në Shqipëri vijon të mbetet një plagë e shoqërisë shqiptare. Janë pikërsht gjeneratat e reja ata të cilët duhet të vuajnë pasojat e prindërve, gjyshërve apo stërgjyshërve të tyre.

Niko, djali 13 vjeçar nga Shkodra është njëri prej tyre. Niko jeton vetëm me gjyshin brenda 4 mureve. Nga një dritare e vogël ai sheh çfarë ndodh jashtë oborrit të tij.

Por Niko nuk është i vetmi që qëndron i ngujuar. Në Shkodër janë 68 familje të cilat qëndrojnë me frikën se jeta e tyre mund të cënohet çdo ditë.

Gazetarët e BBC kanë vizituar Nikon, bashkë me mësuesen e tij Liljana Luani, e cila është arsimtarja e vetme që e viziton dhe i mëson të shkruajë e lexojë brenda mureve të shtëpisë.

Dhe e gjitha kjo se “Niko është në gjak” dhe s’mund të shkojë në shkollë, s’mund të bëjë një jetë normale, nga frika e gjakmarrjes sipas Kanunit.

Mësuesja Liljana shpjegon për BBC, se shpeshherë rregullat e Kanunit thyhen nga pesoonat që janë në gjak.

“Nëse ata ndjekin rregullat e Kanunit ... ata nuk do të vrisnin fëmijë dhe femra, por sot as kanuni as ligjet e shtetit nuk po ndiqen," shpjegoi ajo.

"Ka pasur gra të vrara dhe fëmijë të vrarë. Mendoj se autoritetet shtetërore të zbatimit të ligjit duhet të bëjnë më shumë, por ata nuk po punojnë siç duhet", shprehet mësuesja.

Mësuese Liljana dhe Niko

Historia e gjakmarrjes së Nikos:

Historia e gjakmarrjes në familjen e Nikos, i ka fillesat në krizën e firmave piramidale. Kaosi çoi në një kolaps të besimit në institucionet shtetërore dhe gjyqësorin. Familja e tij pati një mosmarrëveshje për tokën me një familje në fshat. Si pasojë mbeti i vrarë një person.

Kjo çoi në grindje dhe mosmarrëveshje të tjera që përfshijnë familjet aty pranë. Më pas, prindërit e Nikos braktisën shtëpinë, duke e lënë atë të rritet nga gjyshërit e tij dhe nga fqinjët me të cilët sot janë në gjak. Zonja Luani shprehet se Niko nuk di shumë për grindjen.

"Ai dëgjon njerëzit e tjerë të flasin për të gjitha çështjet që lidhen me grindjen. Ai nuk flet fare, rri në heshtje. Ai e di që është " në gjak ". Jeta e tij e tij në rrezik, ndaj duhet të jetë shumë i kujdesshëm”, shprehet ndër të tjera mësuesja për nxënësin e tij, i cili nuk arrin të bëjë një jetesë normale si shokët.

Kolonel Gjovalin Loka, shefi i policisë për rajonin e Shkodrës, u shpreh se po bën gjithçka që mundet për të parandaluar dhe hetuar gjakmarrjet.“Ne kemi hetuar në mënyrë intensive rastet e vrasjeve të mundshme si rezultat i gjakmarrjes. Kemi ndërhyrë me marrjen e informacioneve për shkeeljet e ligjit".

Kolonel Loka më tej u shpreh për BBC se shumë individë që janë në gjak po keqinterpretojnë dhe keqpërdorin Kanunin. Ai theksoi se sot Shqipëria ka ligje të tjera moderne si të BE-së të cilat duhet të zbatohen, ndonëse në Veri të Shipërisë nuk funksionojnë. /Përshtati Politiko.al/