Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gjekmarkaj: Basha të ndryshojë mentalitetin e 6 viteve, duhen ide tërheqëse në PD

Politiko 2 Shtator 2019, 09:52

“Vera e Edi Ramës dhe vjeshta e Lulzim Bashës”, e ka titulluar analisti Agron Gjekmarkaj një opinion publikuar sot në gazetën ‘Panorama’.

Ndër të tjera, Gjekmarkaj analizon lëvizjet e kryeministrit Edi Rama gjatë verës, por edhe ato të pritshme nga opozita, e konkretisht nga Partia Demokratike.

Analisti i kujton Bashës se tani që shtatori trokiti, nëse opozita dhe shefi i saj nuk prodhojnë ide tërheqëse të argumentuara nga persona bindës, jo vetëm vjeshta, por edhe pranvera do jetë një stinë vazhdimësi për Edi Ramën.

“Lulzim Basha është në momentin për të propozuar paktin e tij të madh si shansin e vetëm kundër krimit, atë të ndryshimeve kushtetuese, ekonominë, arsimin, mjekësinë, ndryshimet kushtetuese, administratën publike, e mbi të gjitha, ndryshimin e PD nga forcë opozitare në forcë pushteti gjëra serioze duhen thënë me njerëz seriozë, ndryshe rrëshqasim në komedi. Shtatori trokiti, nëse opozita dhe shefi i saj nuk prodhojnë ide tërheqëse të argumentuara nga persona bindës, jo vetëm vjeshta, por edhe pranvera do jetë një stinë vazhdimësi për Edi Ramën.

Si mërzi do konturohet ajo për ata që presin të që ai të këputet si fik pucalec e të bjerë nga dega. Trungu duhet shkundur në shumë drejtime dhe forma. Shoqëria duhet ta ndjejë përpjekjen dhe të besojë se bëhet për të dhe me përfaqësuesit e saj që nuk i cakton një person i vetëm. Basha duhet të ndryshojë mentalitetin e 6 viteve në PD nëse do të marrë shansin për të ndryshuar Shqipërinë nesër. Numërimi mbrapsht ka filluar!”, shkruan Gjekmarkaj.

Të fundit