Gjenden 9 armë pa dokumentacion në zyrën e shefit të Rendit në Elbasan

Një rast i rëndë dhe i paprecedent ka ndodhur në Elbasan ku në zyrën e  shefit të rendit të këtij komisariati janë gjetur nëntë armë pa leje.

Sipas “News 24”, prej më shumë se 2 vitesh qëndronin 9 armë pa leje, të cilat nuk ishin të pajisura me asnjë procesverbal dhe nuk dihej origjina e tyre.

Para pak kohësh, shefi rendit në Komisariatin e Elbasanit u emërua Faik Ruko, i cili sapo konstatoi mungesën e dokumentacionit për armët, kërkoi sqarime nga shefi që zëvendësoi Abedin Halilaj, i cili po ashtu nuk kishte dokumentacion për rastin.

Për këtë rast është hapur dhe një hetim ku në ditë në vijim do mësohet më shumë rreth ngjarjes.