Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gjendet arma që u vra Emiljano Ramazani, Policia jep detaje: Në pranga babë e bir

Politiko 28 Korrik 2020, 18:43
Gjendet arma që u vra Emiljano Ramazani, Policia jep detaje: Në pranga

Policia e Elbasanit ka sekuestruar armën e zjarrit me të cilën është kryer vrasja e 40-vjeçarit Emiljano Ramazanit, ngjarje e ndodhur më 20 korrik të këtij viti

Me anë të një deklarate zyrtare, Policia bën me dije se janë arrestuar dy persona, Albert dhe Seit Manehasa, përkatësisht babai dhe i biri, teksa në servisin e tyre është gjetur arma e zjarrit me të cilën dyshohet të jetë vrarë 40-vjeçari.

Aksioni është zhvilluar gjatë ditës së djeshme, teksa policia dha detaje zyrtare pasditen e sotme.

Ndërkohë, policia po vijon punën për zbardhjen dhe dokumentimin e plotë të kësaj ngjarjeje.

Njoftimi i Policisë:

Drejtoria Vendore e Policisë Elbasan, nën drejtimin e Prokurorisë së Rrethit Gjyqësor Elbasan, ka vijuar intensivisht punën për grumbullimin e informacioneve dhe provave ligjore, me qëllim zbardhjen e ngjarjes, identifikimin dhe kapjen e autorëve të vrasjes me armë zjarri të shtetasit E. R., 40 vjeç.

Si rezultat i punës së pandërprerë hetimore dhe profesionale të bërë nga specialistët e Seksionit kundër Krimeve ndaj Personit dhe Pasurisë në DVP Elbasan, nën drejtimin e Prokurorisë Pranë Gjykatës së Shkallës së Parë Elbasan, në bashkëpunim me forcat speciale Renea, forcat “Shqiponja” dhe Policinë e Peqinit, është bërë i mundur arrestimi në flagrancë i shtetasve:

  1. Manehasa, 64 vjeç dhe S. Manehasa, 37 vjeç, lindur e banues në Peqin (babë e bir).

Pas informacioneve të grumbulluara gjatë punës hetimore se në ambientet e biznesit të këtyre shtetasve në Peqin ishte fshehur arma e krimit, është ushtruar kontroll i befasishëm dhe si rezultat, në ambientet e brendshme të biznesit, poshtë sabratorit të një makine u gjet një armë zjarri pistoletë model 54 TT, me një krehër dhe një fishek luftarak.

Nga veprimet e mëtejshme hetimore dhe nga provat shkencore ka rezultuar se arma e zjarrit e sekuestruar është arma e zjarrit pistoletë e përdorur në ngjarjen e datës 20.07.2020, në Elbasan, ku është vrarë shtetasi Emiljano Ramazani. Nën drejtimin e Prokurorisë së Rrethit Gjyqësor Elbasan vijon puna për zbardhjen dhe dokumentimin e plotë të kësaj ngjarjeje.

Të fundit