Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gjendja ekonomike pasqyrohet nëpërmjet fytyrës

Politiko 6 Korrik 2017, 21:49

Gjendja ekonomike pasqyrohet nëpërmjet fytyrës

Shprehja e fytyrës mund t’u lejoj të tjerëve të përcaktojnë nëse jeni të pasur apo të varfër që me përshtypjen e parë, shkruan Daily Mail.

Një studim i ri ka gjetur se shprehjet neutrale të fytyrës janë një tregues i besueshëm i gjendjes ekonomike të një personi dhe mund të veprojë edhe si një ‘profeci vetë-përmbushëse’ që ndikon në ndërveprimet sociale dhe suksesin në tregun e punës.

Nga ana tjetër, studiuesit thonë se buzëqeshja dhe shprehjet e tjera të ngarkuara me emocione kanë më pak të ngjarë të japin klasën tuaj shoqërore, pasi maskojnë “reliket” e emocioneve dhe përvojave të jetës.

Sipas studiuesve nga Fakulteti i Arteve dhe Shkencës i Universitetit të Torontos, fenomeni mund t’i bëjë njerëzit të nënshtrohen disa paragjykimeve në shikim të parë.

Kjo mund të nënkuptojë “fytyra të pasura”, konsiderohen kandidatë më të mundshëm për t’u punësuar për një punë sesa njerëzit me ‘fytyra të varfra’, shpjegojnë studiuesit.

Në studim, hulumtuesit i kërkuan vullnetarëve të paraqesin foto me fytyra neutrale.

Vullnetarët u renditën në grupe ku të ardhurat totale të familjes ishin nën 60,000 dollarë, ose mbi 100,000 dollarë, me 75,000 $ që konsideroheshin si mesatare referuese.

Pastaj, një grup tjetër pjesëmarrësish iu kërkua të shikojnë këto foto dhe të tregojnë se cilat ishin ‘të pasura ose të varfëra’ bazuar vetëm në pamjen e tyre.

Studiuesit zbuluan se 53% e pjesëmarrësve ishin në gjendje të zgjidhnin fytyrat me saktësi. Kjo, thonë ata, është mbi zgjedhjen e rastësishme.

Studimi zbuloi gjithashtu se aftësia aplikohej vetëm për shprehjet neutrale, dhe jo shprehje emocionale, të tilla si buzëqeshja, sepse këto emocione mund të fshehin shprehjet që bëhen të rrënjosura në fytyrë për një jetë, kjo mund të ndodhë që në fillim të adoleshencës ose në moshën e rritur, thonë studiuesit.

“Reliket” e emocioneve të caktuara, të tilla si lumturia e shpeshtë, priren të lidhen me pasuri dhe kënaqësi.

“Me kalimin e kohës, fytyra juaj reflekton përvojat tuaja, ajo që po shohim nga studimi është që studentët që janë vetëm 18-22 vjeç kanë grumbulluar përvojë të mjaftueshme jetësore që kanë ndryshuar dukshëm dhe kanë formuar fytyrën e tyre deri në atë pikë që mund të tregoni se cila është pozita e tyre socio-ekonomike ose klasa sociale” tha studiuesja Nicholas Rule.

Studiuesit thonë se ky fenomen ka ndodhur pa marrë parasysh racën dhe gjininë, apo edhe sa kohë iu dha pjesëmarrësve të shikojnë fotot. Këto gjetje lidhen me pritjet e sjelljes joverbale. Ka neurone në tru që specializohen në njohjen e fytyrës.

Studiuesit thonë se studimet mbi individët e moshuar mund të zbulojnë nëse këto modele mbarten gjatë viteve, apo edhe të bëhen më të dukshme me kalimin e kohës.