Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Gratë e pushtetit’ reagojnë kundër Kastriot Myftarajt: Kthjellohu dhe kërko falje, kurvëria nuk është argument

Politiko 11 Maj 2017, 15:11
‘Gratë e pushtetit’ reagojnë kundër Kastriot

Disa gra të fuqishme afër pushtetit dhe në nivele të larta të qeverisë kanë reaguar me anë të një letre kundër sulmit të publicistit Kastriot Myftaraj ndaj ambasadores së Bashkimit Europian, Romana Vlahutin.

Duke e konsideruar artikull të paprecedent dhe denigrues, firmëtaret e kësaj letre theksojnë se të gjitha gratë në Shqipëri janë ndjerë të fyera dhe të prekura pasi Romana është mike e vendit tonë.

Ato nuk e konsiderojnë argument përdorimin e fjalës kurvë për të sulmuar një grua apo një burrë në karrierë.

Këto gra që i shohim shpesh në televizor i kërkojnë Myftarajt të kthjellohet dhe të kërkojë ndjesë publike ndaj Vlahutinit, ndërsa ambasadores i shprehin falenderim dhe mbështetje për punën që po bën në Shqipëri.

Mes atyre që kanë firmosur janë 3 deputete, 4 ministre, gazetare dhe aktiviste të shoqërisë civile.

Reagimi:

Shkrimi i fundit i serialit të dhunës verbale dhe shkrimeve misogjene të botuara në shtypin shqiptar i vuri kapakun gjuhës bastarde që përdoret kundër grave, sidomos atyre në karrierrë politike e vendimmarrëse.

Artikulli i paprecedent, me fjalë fyese e denigruese kundër Ambasadores së Bashkimit Evropian në Shqipëri, znj. Romana Vlahutin ka prekur të gjitha gratë shqiptare për shumë arsye: Romana është mike në vendin tonë, është zyrtare e lartë e një institucioni ndërkombëtar dhe përfaqëson ato gra që ja dalin të ngrihen në nivele të tilla drejtuese.

Për cilin burrë është shkruar ndonjëherë në shtypin shqiptar “që është kurvar”, kur flitet për karrierën e tij politike? Asnjëherë! Ç’argument është ky për të sulmuar një grua apo edhe një burrë në karrierë?

Nuk ja kemi borxh askujt të lexojmë në gazeta shkrime të tilla, të cilat janë faqe turpi e të zeza të shtypit shqiptar.

Po, Romana Vlahutin është një grua e mençur dhe hijshme! Dhe ecën si ti dojë qejfi!

Mirëpo kjo shqetësoka Kastriot Myftaraj e ndonjë tjetër dhe e bën që të përdorë këto dy veti të adhurueshme si armë mediatike kundër zonjë Vlahutin. Sepse kështu ndër shekuj janë masakruar gratë, për bukurinë dhe mençurinë e tyre.

Kthjellohu z. Myftaraj, ndoshta se ke bërë ndonjëherë, por thirri mendjes sepse është fisnike të kërkosh ndjesë publike.

E drejta për tu shprehur në shtyp lirshëm e pa ndroje është e drejtë e gjithësecilit nga ne e fituar me ardhjen e demokracisë, por nga ana tjetër dëmi dhe turpi që na krijon ne shqiptareve e shqiptarëve ky lloj artikulli është shumë më i madh e i pamerituar. Është përgjegjësi publike e mediave shqiptare të mos botojnë dhe riprodhojnë artikuj që nxisin gjuhën e urrjetjes dhe denigrimit të personit.

Zonja Vlahutin, në emër të shumë grave shqiptare ju falenderojmë për punën tuaj dhe dëshirën e mirë që Shqipëria të përparojë në rrugën drejt Evropës, drejt të vetmes rrugë që duam duke zbatuar reformat e nisura.

Mirela Arqimandriti

Majlinda Bregu

Valdet Sala

Vjollca Meçaj

Vasilika Hysi

Milva Ekonomi

Olta Xhaçka

Delina Fico

Juliana Hoxha

Klotilda Ferhati

Eglantina Gjermeni

Milena Harito

Ani Ruci

Ines Leskaj

Olda Çeta

Iris Luarasi

Fabiola Egro

Jolanda Trebicka

Ela Pjero

Albana Fico

Djana Papleka Djaloshi

Manjola Hodo Duro

Qendra Aleanca Gjinore per Zhvillim

Qendra per Nisma Ligjore Qytetare

Refleksione

Ballkan Youth Link Albania

Shoqata për integrimin e Zonave Informale

Social Contract Institute

Rrjeti per Demokraci i Grave

Linja e Keshillimit per vajza e gra

Qendra per Zhvillim Komunitar

Të fundit