Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gratë shqiptare, të parat në Europë të diplomuara në shkencat ekzakte

Politiko 27 Mars 2018, 20:45
Gratë shqiptare, të parat në Europë të diplomuara

Përqindjen më të lartë të grave të diplomuara në Shkencë, Teknologji, Inxhinieri apo dhe në matematikë, e mbajnë shqiptaret.

Pesha e të diplomuarave në këto disiplina në 2015-n ishte 53.1%. Më konkretisht, është i vetmi vend i Europës, ku diplomohen më shumë gra se burra në shkencat ekzakte, shkruan “Monitor.al”.

Në studimin e fundit të psikologëve dhe kërkuesve të Universitetit të Misurit dhe i Leeds Beckett ka dalë në përfundimin se barazia gjinore mban larg gratë nga shkenca. Ata e kanë quajtur këto fenomen “paradoksi i barazisë gjinore”.

Ata i drejtohen fenomenit se sa më shumë gratë të kenë arritur barazinë gjinore në një shoqëri, aq më pak zgjedhin që të studiojnë në profile si Shkenca, Teknologji, Inxhinieri apo Matematikë, duke krijuar kështu një lidhje negative midis këtyre dy treguesve.

Nga grafiku që ka publikuar InfoData e IlSole 24 ore, pas Shqipërisë, përqindjen më të lartë të grave të diplomuara në një nga drejtimet e mësipërme e ka Maqedonia, me 45.1%.

Përqindjen më të lartë të grave të diplomuara në shkenca e kanë kryesisht vendet e Europës Lindore, ndërsa më të ulëtën ato të Europës Perëndimore.

Përqindjen më të ulët të grave të diplomuara në shkenca e mban Luksemburgu me 21.8% dhe Zvicra me 22.73%, megjithëse për sa i përket indeksit të barazisë gjinore kanë shënuar pikë të larta.

Shqipëria, edhe pse krahasuar me rajonin, është e pozicionuar më mirë për sa i përket barazisë gjinore, ka përqindjen më të lartë të grave shkencëtare.

Vendet me barazi më të lartë janë vendet nordike, Finlanda dhe Norvegjia. Por edhe pse gratë kanë arritur pozitën që duan në shoqëritë e këtyre vendeve, vetëm 27 dhe 29 për qind e grave kanë zgjedhur që të kenë një karrierë në shkencë.

Të fundit