Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Guerrilsat, TKZ dhe Plisat, të gjithë bëhen bashkë për tërmetin

Politiko 26 Nëntor 2019, 11:51
Guerrilsat, TKZ dhe Plisat, të gjithë bëhen bashkë për

Tërmeti ka tronditur Shqipërinë duke shkaktuar viktima, të plagosur dhe shumë shqiptarë kanë mbetur pa shtëpi, pa harruar 600 te plagosur. Tifo-grupet shqiptare janë solidarizuar me nismën dhe kanë dalë në ndihmë të familjeve të prekura.

Guerrilsat - “Janë momente të rënda, momente ku të gjithë duhet të shtrëngohemi fort para dhimbjes, ta përballojmë atë dhe ta duam më fort njëri-tjetrin! Duke shprehur dëshpërimin e madh për viktimat, i bashkohemi dhimbjes së familjarëve dhe lutemi që numri i tyre të ndalet këtu!

Kërkojmë nga autoritet kompetente ngritjen e strukturave vullnetare. Ne si grupim jemi te gatshëm të japim kontributin tonë modest në këtë situatë. I kërkojmë të gjithë tifozërisë sonë të madhe, e jo vetëm asaj, që të ndihmojnë me të gjitha format dhe mënyrat sipas mundësisë që kanë. Është koha ku duhet të jemi bashkë kundër fatkeqësisë!”, shkruajnë Guerrils, ultrasit e Partizanit.

TKZ - “Pas tërmeteve të fundit, Tifozat Kuq e Zi janë mobilizuar, dhe kanë ngritur një fond emergjent për ndihmë, vatrave të prekura. Ju njoftojmë se kemi filluar grumbullimin e mjeteve për zonat e dëmtuara. Për të kontribuar edhe ti, ju lutem kontaktoni përfaqësuesin më të afërt www.tifozatkuqezi.com/perfaqesuesit.

Gjithashtu, Tifozat Kuq e Zi, shprehin gatishmëri që të japin ndihmën e tyre vullnetare, qoftë si pjesë e ushtrisë, kryqit të kuq, apo organizatave të tjera simotra që ndihmojnë njerëzit në nevojë”.

PLISAT– “Tash është koha që të veprojmë. Ju bëjmë thirrje të gjithë Plisave dhe qytetarëve të Prishtinës që të bashkangjiten në aksionin tonë për t’i ndihmuar të prekurit nga tragjedia në Shqipëri. Plisat po grumbullojnë ushqim dhe veshmbathje për familjet në nevojë dhe të njejtat do të nisen sot në ora 15:00 për në Shqipëri. Ju ftojmë të gjithëve që të na bashkangjiteni duke sjellur ushqim, batanije e veshmbathje, aq sa keni mundësi.

Pika e grumbullimit është në Fun Club Plisat, në sheshin Zahir Pajaziti. Një ndihmë e vogël nga ti këtu, është tepër e madhe për një shqiptar atje. Jemi të njejtë, jemi të bashkuar, jemi të goditur të gjithë, prandaj të veprojmë së bashku!”, shkruajnë ultrasit e Prishtinës.

Të fundit