Një shkencëtar nga Ohio pretendon se ka gjetur prova fotografike që tregojnë se në Mars ka insekte dhe krijesa që i ngjanë zvaranikëve. Por, këto insekte nuk kanë të bëjnë me jashtëtokësorë.
Profesor William Romoser prej disa vitesh ka studiuar me imtësi të madhe fotografitë që vinin nga “planeti i kuq” nga sondat dhe robotët Viking, Pathfinder dhe veçanërisht Curiosity.
Ai arriti në përfundimin se disa nga këto dritëhije që fillimisht janë injoruar nga NASA janë në të vërtetë prova e ekzistencës së jetës në atë planet.
Shkencëtari thotë se ka parë elementë të ndryshëm të trupit, fletët dhe antenat e disa krijesave që ai përcakton si insekte, madje në një pamje ai thotë se ka pikasur fluturimin e njërit prej tyre.
Madje ai ka vënë re aty edhe pellgje uji.
“Kemi të bëjmë me një bazë solide të dhënash që kërkon thellime të mëtejshme”, përfundoi Romoser.
Por për kolegët e tij, provat që ka ofruar nuk janë të mjaftueshme për të arritur në përfundimin se në planetin e kuq ka insekte. Gjithsesi, NASA po përgatitet për të dërguar sonda të tjera e për të kryer studime më të hollësishme.
Financuar Nga Bashkimi Europian
