Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Hapen aplikimet për gjyqtarët në Strasburg, kriteret që duhet të plotësojnë kandidatët

Politiko 26 Shkurt 2018, 17:46
Hapen aplikimet për gjyqtarët në Strasburg, kriteret që

Qeveria shqiptare ka hapur aplikimet për gjyqtarët shqiptarë në Strasburg. Mësohet se afatet e aplikimit do të jetë deri më 20 mars. Kujtojmë që kjo është hera e katërt që në dy vite, me kërkesë të Këshillit të Europës, qeveria shqiptare shpalli thirrjen publike për aplikim për pozicionin e ngelur vakant prej disa kohësh.

Sekretari i përgjithshëm i Këshillit të Ministrave, Engjëll Agaçi, përmes një shkresë dërguar disa institucioneve, si: Gjykata Kushtetuese, Prokuroria e Përgjithshme apo Shkolla e Magjistratës, kërkon prej tyre publikimin e njoftimit, me qëllim informimin e sa më shumë personave që kanë interes për të aplikuar.

Kriteret që duhet të përmbushin kandidatët për pozicionin e gjykatësit në Strasburg sipas dokumentit zyrtar:

-të paktën 15 vjet përvojë punë si gjyqtar, prokuror, avokat, profesor ose lektor i së drejtës, nëpunës i nivelit të lartë në administratën publike, me një veprimtari të spikatur në fushën e së drejtës, kryesisht në fushën e të drejtave të njeriut;

-përparësi do të kenë kandidatët me përvojë praktike në sistemin e drejtësisë.

-kandidati nuk duhet të ketë mbajtur funksione politike në administratën publike ose pozicione drejtuese në një parti politike, gjatë dhjetë viteve të fundit përpara kandidimit.

-të mos ketë qenë anëtar, bashkëpunëtor ose i favorizuar i ish-sigurimit të shtetit, para 2 korrikut 1991.

-të mos jetë bashkëpunëtor, informator ose agjent i Shërbimeve të Inteligjencës.

Në thirrjen për aplikim janë listuar të gjithë dokumentet që duhet të dorëzojë secili kandidat.

Këshilli i Ministrave thekson se kandidatët do t’i nënshtrohen procesit të Vetingut. Kujtojmë që përgjatë dy viteve të fundit, Asambleja Parlamentare ka rrëzuar tri lista me kandidatët e propozuar nga qeveria shqiptare.

 

Të fundit