Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Hetimi për Metën, zbardhen pyetjet e Kuvendit drejtuar Komisionit të Venecias

Politiko 10 Janar 2020, 21:51
Hetimi për Metën, zbardhen pyetjet e Kuvendit drejtuar Komisionit

Kuvendi ka kërkuar opinionin e këshilluesve të çështjeve kushtetuese të Venecias për hetimin e presidentit të Republikës Ilir Meta dhe emërimin e 2 anëtarëve të Gjykatës Kushtetuese.

Në letrën e zbardhur nga mediat, Kuvendi pyet Venecian nëse është i ligjshëm emërimi i një gjyqtari kushtetues, pas 30 ditëve që parashikon ligji dhe jashtë listës së Këshillit të Emërimeve në Drejtësi, siç ndodhi në rastin e Marsida Xhaferllarit.

Në nëntor të vitit të kaluar Partia Socialiste vendosi të çonte sërish Presidentin  Meta në Komisionin e Venecias, me qëllim interpretimin e konfliktit për Gjykatën Kushtetuese.

Nga ana tjetër edhe  Presidenti Meta do i drejtohet Venecias në lidhje me shkeljet kushtetuese të Kuvendit të Shqipërisë, për procesin e zgjedhjes së dy anëtareve të Gjykatës Kushtetuese.

Më poshtë pyetjet e Kuvendit drejtuar Komisionit të Venecias: 

Ndërsa komisioni hetimor vijon punën sipas objektit të hetimit, ka lindur nevoja të kërkohet mendimi i specializuar në lidhje me disa çështje mbi sa parashtrohet me sipër. Konkretisht, Kuvendi i Shqipërisë do të vlerësonte shumë opinionin e Komisionit të Venecias, si për pyetjet sa më poshtë, ashtu edhe për çdo çështje tjetër që lidhet me rastin në shqyrtim:

  1. Emërimi i një gjyqtari kushtetues tej afatit prekluziv 30 ditor dhe jashtë listës se kandidatëve të miratuar me vendim të Këshillit të Emërimeve në Drejtësi a cenon parimin? Sa e pajtueshme është me konceptin e një “gjykate të caktuar me ligj” siç parashikohet në Konventën Europiane të të Drejtave të Njeriut zgjedhja e një gjyqtari në kundërshtim me procedurën kushtetuese dhe ligjore?

  2. A ndikon situata e paraqitur në pyetjen e parë në legjitimitetin e vendimmarrjes së Gjykatës Kushtetuese duke vënë në dyshim garancitë e shtetasve e për një proces të rregullt ligjor’? A bie ndesh kjo me opinionin e Komisionit të Venecias të datës. 14.03.2016, për mekanizmat zhbllokues në zgjedhjen dhe emërimin e anëtarëve të organeve kushtetuese?

  3. A është në përputhje me standardet më të mira, zbatimi i mekanizmit zhbllokues pas mosveprimit të Presidentit për të emëruar brenda 30 ditëve gjyqtarin kushtetues si rrjedhojë e të cilit konsiderohet i emëruar gjyqtari kushtetues?

  4. A mundet Presidenti të mos organizojë ceremoninë e betimit të gjyqtarit kushtetues kur ai/ajo në kuptim të ligjit konsiderohen të emëruar? Në këtë rast, a konsiderohet e cenuar e drejta e një gjyqtari kushtetues të ushtrojë detyrën?

  5. Në rast se Presidenti nuk organizon ceremoninë e betimit të gjyqtarit kushtetues, nisur nga solemniteti i betimit si akt, çfarë mekanizmi mund të përdoret për ta zhbllokuar një situatë të tillë? A është betimi me shkrim një formë për plotësuar kushtin e betimit, për të filluar ushtrimin e detyrës, në situatën kur gjyqtari është emëruar në detyrë për efekt të ligjit?

  6. Cilat mund të ishin zgjidhjet sipas standardeve më të mira ndërkombëtare për tu shmangur rastet kur organi i ngarkuar me kryerjen e betimit refuzon të thërrasë për betim zyrtarin?

Letra e plotë

Të fundit