Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Historia e martesës së shqiptares nga Shkodra me një nigerian, për prindërit e saj ai nuk ekzistonte

Politiko 22 Qershor 2020, 14:20

Historia e martesës së shqiptares nga Shkodra me një nigerian,

Vdekja e George Floyd, nga duart e policisë amerikane, ka nxjerrë sërish në pah problemet racore në Shtetet e Bashkuara të Amerikës, dhe jo vetëm.

Në kuadër të gjithë këtyre ngjarjeve, "Zëri i Amerikës" ka sjellë historinë e shqiptares nga Shkodra. Jonida Spahija është martuar me Nnamdi Nwachukwu (Nuaçuku)- afro-amerkan, me të cilin nuk e ka pasur aspak të thjeshtë jetën dhe sidomos pranimin e tij nga familja e saj shqiptare dhe myslimane.

Përvojën e tyre e kanë ndarë me Rudina Dervishin e Zërit të Amerikës dhe ndër të tjera, bashkëshorti i Jonidës tregoi dhe se jetonte vetëm 5 minuta larg familjes së Jonidës dhe për ata ai nuk ekzistonte.

Çifti bashkë me vajzën e tyre jetojnë në Uashington DC,DC, dhe i dinë mirë vështirësitë dhe sfidat që sjell një martesë dy-racore. Marrëdhënia e tyre kaloi ditë të errëta në fillimet e saj, pasi u refuzua për një kohë të gjatë nga prindërit dhe familja e Jonidës.

“U rrita në një familje tradicionale myslimane nga Shkodra. Kisha udhëzime të qarta edhe pse të pathëna qe të martohesha me dikë nga veriu dhe nga e njëjta fe. Sigurisht, nuk u nisa me synimin të gjeja dikë që do të ishte komplet e kundërta. Gjeta një njeri të mirë me të cilin ndërtova miqësi dhe filluam të dilnim që në kulturën tonë nënkupton martesën,"- tregon Jonida për Zërin e Amerikës.

“Nuk më pranuan që isha partneri i saj, derisa lindi vajza. Në atë kohë kishim qenë bashkë për gati tetë vjet. Imagjinoni të jesh në një marrëdhënie ku jeton vetëm pesë minuta larg nga prindërit e bashkëshortes, për të cilët unë nuk ekzistoja”, shton Nnamdi .

Jonida thotë se iu desh të bënte një jetë të dyfishtë për një kohë të gjatë duke u përpjekur të menaxhonte veças dy gjëra shumë të shtrenjta për të, Namdin dhe familjen e saj:

“Kam vepruar me një mentalitet të heshtur që nuk më shërbeu në aspektin afat-gjatë. Në retrospektivë e di që nuk mund ta përsëris atë gabim. Ja ku jemi tani. Të gjithë po i rishikojmë marrëdhëniet racore dhe po i analizojmë në një kontekst shumë më të gjerë se martesa, në shoqëri, dhe kudo në realitet”.

Lindja e vajzës i dha një dimension të ri vështrimit të Jonidës për problemet racore në shoqërinë amerikane. Ajo shqetësohet se Zara do të përballet me një realitet të vështirë për faktin se vjen nga prindër me ngjyrë të ndryshme.

Pas lindjes së vajzës, familja e Jonidës pranoi bashkëshortin e saj dhe madje mamja e saj është shumë e afërt me dhëndrin e familjes. Jonida foli edhe për problemet që përjeton i shoqi vetëm se ka një ngjyrë tjetër. Po ashtu, Jonida shpreh edhe shqetësimin për vajzën e saj 5-vjeçare, e cila po ashtu është me ngjyrë.